朗聲四起

Ita Truku o mkla bi miying ana manu uuqun paah seuxal. Thjil ta breenux sayang dga, ida sun iyux kkeudus ni ddanga lqian. Alang nami Tpuqu o mttbiyax bi miying klgan btunux. Btunux nii o kika sun btunux embanah (Mey-kwey) ksun Klmukan.

Aji qulung yayang do tduwa hlayun. Wana tru bi yyyayung ka niqan. Tgkingal o yayung Paru. Tgdha o yayung Pratan. Tgtru do kika yayung Mglu da. Yaasa tru yyyayung nii o kingal bi ka pusu dha. Ruwan dgiyaq ga kingal ququy dgiyaq knlala ni knpraan ka pusu dha msa. Bgihur paru siida, maa rngsux ni mhrhur ka dgiyaq dga, qmluli ni strutug da. Ckreurus ni mstatah siyaw yayung ni mrmux ska gsilung.

Hmuya? Ma dha skxlun bi hug? Yaasa mkray bi sbrigan. Suyang bi qtaan ka hnyigan ni lhlhang na. Hlayan siida mqalux ka qraqil na han. Sduuy dha bilaq tucing tmucing ni kkla dha ruwan na. Nasi mqliyang, mgkliyut ni embrhibung do hiya kida. Mrana paru o mrana ka qaras dha uri. Tai ini tduwa djilun dga tmaus ltlutut, mddayaw kmudaw ni dsun sapah.

Gsgsun ni snagun ka lama. Sduuy dha kikay samaw xiluy qurug hlpis khwayun dha bi stguhuy qsiya gmdgut ni psdhriq. Klaun bi ka hnyigan na. Ptraun bi ka llhang na.  

Bukuy bgihur paru mslangu msbowraw ka yayung ni gsilung, ida qilug qilug miying. Mqqalux kana ka hiyi dha. Ini biyaw dowriq dha uri. Niqan bi bhring dha hmlay. Saw ka mkla tmapaq gsilung do asi duuy qngqaya ttrbuq turma miying. Kisa paru btunux hlayan dha kida.   

Asi ka qmlahang bi ka uda nii. Hbaraw hari ka sjiqun ptgbtunux embanah nii da. Qulung mqhnga cicih do sqlalu ni trbuq kska yayung ni gsilung da. Rbgun ni rtugun ni qlliun uri da. Bitaq hi kndsan dha kida. Pusu balay o qlahang bi. Sdhai pseupu musa miying. Laxi balay ka emburux isu nanak. Mklaa ta ka karat da. Emphuya kiya, wana utux mkla!  

太魯閣族以採集為主。為了生存是到海岸尋找玫瑰石。只有三條流域才能找到，立霧溪、三棧溪及木瓜溪。同出一源，礦源如山巨大，颱風時，河水切割滾動入海。外型美麗，內部瑰麗。小鐵鎚捶打，分辨內部的顏色。若其中有紅、紫、黃色便是上等品，越大越者者，賣起來價值不菲。

部落許多人，無論清晨、深夜、大雨、豔陽專門尋找玫瑰石。就算是颱風過後、河海氾濫，仍是汲汲尋找，有許多人稍不小心便沉落河海生命終止。