朗聲四起

ku ningilribatanenga ku maulai ka caili, kai cekele kalabuwana, yakai ku lrulai ku kyatulalake, ku naganeini sya Kahemekeme ka laHubeceake.

kai lrulaikai masyasyasilange ki hededelaneini kadrau suwai, kadalame avaevaehe kivaevange. yakai la avaivai, ku tangivelevelaneini kakudhaneini twahanau akabalrithi, pathagili kalrase kielrelre ki sapasyasilangeini, kadalame ngikakamani tangeangea mubelenge ki cavalria thahutakanga kuvaivai. kwani wacekecekele satau pathagili kadruwa ka twamanema, ai luceele kadruwa ka tangimiyaiya ki kawmawmasa, lakasamalinga kathathibuhu.

yakai la avaivai, kwani pimahudrawdranga laceele, ku maca iniya lalakelini muakalrivili, anika yadrengehe anika ngyapalapalai ka alralregele, sana lengelenge ceele wapacai kautu, sa haukadrau hau pakilringau, adrava ka tatadradrau ka udryudripi yakai ki talengelenganeini ceele si pacai, kwani mahudrawdrange lapanathingale ka kadruwa ka atupadudulrua ka tangimiyaiya, wathingale kwani maca ki lalakelini, aidulru papacai ki umase, aitaha alra pakidaili ki cekele. kutamapelaela si mapalrailraingi, ai satedre iniya pakidaili ki cekele, kwani taikaiyaneini ka daedae yaadringi ki libi ka yathili ki tutuhu. kwani wacekecekele lu satedre ku lakanea paswalana pakilrikilringi, sana kilalra ku kilrikilringi langimamete ki maca tahumaha, luaidavace lapela pakilrikilringi pathingale ka wadavacenga, ku sahakaikaiya ka lamanema, ku lakaekanea palribulu padulru ku kinauwacekela si baai, ku ngwalralringulu ki taikaiyaneini, kwalaubu demedeme, adrava ka alrisapesape ka lalrenege adihehelenga abwabuhava ki takulauba.

部落有一家叫lahubeceake家，生了一個男孩取名Kahemekeme，他很活潑好玩。他喜歡獨自爬上屋頂曬太陽，不喜歡與其他的小孩一起玩耍。家人注意到而感到憂慮。

一日，父母發現只要他注視蒼蠅，不論在飛翔或停止，牠們都會死掉。父母知道孩子的眼睛會致人於死地，經過討論，決定將他送到很遠的洞穴。家人輪流送食物，每次送東西時先搖鈴，他一聽到鈴聲即矇眼睛，送完後又搖鈴表示人離開。部落族人很尊敬他。他視線範圍內的東西全被燒光，石壁也變紅色和黃色。