朗聲四起

lu makapiyalenga udale, kadruwa ka mapadudulru si lavai kayasaa, kuyatangsea ka kahingalai nilringa kay kacalrilrisiyana

sanguaubingilringa, lakisasamulaku pulatadre puavai demedeme, amani lu kalameke kalisimiya taulra.

luceelaku akueaeaea ikay kacalrilrisiyana ka kahingalai, yakai ku tapukidremedremaneli. ku ina amiyaikai, kay kacalrilrisiyana ka kahingalaita ka Ngudradrekai, nikualria ahakai ku alrima pwacase pusilu, sana tulalaka aniasauwalai aniababai, tahapadulrumadu ku asikahingaladha mwaki mahudrahudrange ki matulrevelrevege, ku igayganeana kutaka cacekele ka swaVudavudai mahamahauta pasusu tuhamuhu ku tamataetaetala ki talyalalai lakawkaulu niyaa, adrava ki kahingalai miyalri.

kay talyalalai yakay ku thimithimilini, sakelanga ku Dripungu la edhalenga ku singipaihange ka makalrilau, ku waledra kathahihi mukalrivili ku tatuhahanaa ka makalrilau, iyaki talyalalai, ku lakawkaulu adrava lu madadulru lwangai, lu kai kipalraingi ki talyalalai kadruwa ka aimaka ngisasingkai ku kidremedremelini lwangai si sikahingalai.

sapathagilinga ikai kay wapacase pwasilu niyaa, ku yakai ku pathahethaheva myaikai alawlai, kadilrunga, vai, adrisi, thimithimi ki talyalalai, sakathanelini ku aimakadulru padadavace pikai ki kahingalailini, kay kinacalrisiana ka pacase, sinuaduhava ka pacase kadruwa ku nipasusua yaki lakawkaulu.

kay susuwa lu sikahingalai, amani ku pakahathudu ki cacekele, anatuma ku tamausakesakenaneta ku tamataetaetalaneta, lakai kaulrawlrau, lu ikay ku pehava laelanga latukucingalreta sikahingalai, matiataulra kay sakiadudulru ki mahudrawdrangeta pasikai mita padulru.

本部落是一個嚴謹的階層制社會，連服飾方面的穿著都有權限。日據時代打破原來的封閉社會，人民自由交易，平地貨品進入部落，族人開始有多種花樣可選擇。服飾圖案有所限制，平民圖案較單調，頭目有多樣的變化。現在的服飾有花樣百出，族人大多已不再嚴守過去的規範，很多場合已難分清頭目與平民。

人們為了輕便，更是鮮少穿著傳統服飾，希望新生代仍能保有傳統的穿著原則，維持部落組織的文化倫理，在適合的場合裡，願意穿上它。