朗聲四起
ku igayga kunai ka kinauwacekela, yakaynai ki cekele, ki cekelenai yakay ku gaku, yakay ku takisaca, lu amyalrealre pacununai si twatuma ku aunganenai, lu amiyauaubu la ubalriunai si isadra, ngipapatahumaha ngikakadralru.
ku taikaiya kibulru ka daane, nitudadana ka talaaubu, kadruwa ka mapapedrenge, ahakai ku angatu ulrudru, ahakai ku aubu tucavalria, ahakai ku ulahe hwavadre pangulralringulu, ku takaabelenga ki sahavadra, aikela ki tasialrunaina ki yacengecenge ka umase, kadruwa ku lribange, kadruwa ku saeleleba, eaea ku saulatadra ku tangukakaiya mulatadre mudaane, kadruwa ku dralri dadaeaneana. maesai lu vai, waledra lakasasesevehe, ai alaiyasi udale, wabahisiyu papudaane ku udale, lakadulrakinga ku daedae, myaki amaninga ki tathuthuthulunga si kaidu pikakuanga kibulru, nilringa lu kela ku sedreke, lukai kithavagenga ku cavalria mwakadrulunga ku sakadadana, lumiyaniya, lauwainu kibulru ku situ luiyaa? mwacekele silape ku daane ki mapapangale si kisalru, alapacungulunai kibulru.
ku igayga kadruwana ku padulru ku kudrali si pakane ki situ niya, lu kelenga ki mwalringedele ka sakanekanenga ki kudrali, sana asitu wadadavace mutauwana tukudrali, lu makakane lai dadavace siulri mugaku pacungulu kibulru ku akibulruwa ki maka mwalringedele. ku sutalamakau, amanisa adaili ku danelini, lai mwadaili dwadavace, ku mahudrawdrangelini taha padulru ku laulrilini pakai ku aikaiyanelini gaku tukudrali.
kay asasanenga, yakainga ku kudrali ku nipasikaiya ki situ padulru, mathahihinga tuhamuhu kay takibulrubulruwa, anatuma kunumi ka syasasana ka lavavalake ka lasitu, la thingalenumi taulra ikai kipatahumanumi vutha ka sakipalribula, si kisamula kibulru, lu bibilrili la amani ku kiahakaikai ki cekele, kiamusakesakene ka takaumawmasa.
過去族人都住在部落，部落裡有學校、教會和派出所，大家自給自足，過著日出而作，日落而息的生活。當時學校環境非常簡陋，沒有門窗，教室只用木條當柱子，茅草圍於四周、當屋頂，地板是泥土，遇到雨天尤其是颱風天，不是屋頂被掀翻，就是整棟被吹倒，只能借用民房上課。沒有營養午餐，學生要回家吃午餐，再回學校上課。
現在交通發達，有營養午餐可吃，希望小朋友懂得珍惜，並努力學習，將來學有所成，能貢獻社會。