朗聲四起
Kikay taasiasipane apakelrekelrete ki manemanenga, luthingale su kuini tapangimiamiane asipi, lrikalrigili su kipaisu. Kaipaasawlra, kaikilriilrigili si asipunu su. Ai tumana amia ku taasiasipane ki Ngudradrekadhane.
Ku kibulruta ikay lukakusiaw, amani kikay wadrima, kiavala, waabate, pavavala, lapathathulriwlrithi arakay lukamanemane ku tangimiamiane. Ludrimane ku lrima ki lrima, lumaelrenga kuini drusa lakamangealenga; lumakakivala ku mangeala si lrima, ku namangeale lakalrialrimanga ku tedrane; maduay kikay wadrima si kiavala. Ai lumuanga ki paabaabate asipi lapakakucingalre, laikay ku saarakaikaiyane, lamalra madu angeki si thingale asipi, tualay ki drusa si pakela ki bangate, ku nangane ini sia “ bangate si bangate ka saasiasipane ”. Ku drusa laabate su ki drusa, lrikasupatenga ku abate, ku bangate si bangate lakamavalrulunga si vaeva, ku iday laabate ku iday, laka kudrulunga. Kikay paavala saarakaikaiyane apavalavala kuini ki aasipane, lupaavala su ku mangeale si tutaylrimane, lrikasataradrusadrusa, lututaydrusane, lakataralrima.Lukabekelane ka tatitiki ku asipane, arakay madu kay aulru si asipi, ai lukamakalra ka taadraadrawnga, arakay kikay surubange si sakisaisangane, masulialivatenga ki surubange kay tinginaw, kaimadu arakaynga ku sapacapacasane si apapelaelaela ka timathenga.
Ku makuciacingalrenga, amani kikay macata, taarakay kikay vagata palalava ki tathingalanenga ki yakaumasane, luarakayta kikay vagata, lritarakidringayta ku patharevane. Kikay taasiasipane maialri ka sapatuadravane ki vagata.
Drusa drusa supate, drusa tulru eneme, drusa supate valru, drusa lrima mangeale. Tadrima ku thingalane, takivala ku kulrungane, lataabate ku tharirane.
魯凱的算術不簡單，國小算數課加、減、乘、除法的講法中，加法是和數；減法是餘數。比較難的是乘法的概念，因為要背九九乘法，除法是最複雜的，因為包含乘法、加法和減法還有結餘，甚至可能有的小數點。
小數目用心算；大數目用算盤和現在最方便的計算機。多學多用，不要被算數和數字打敗了。脫離原始的基本數理概念，跟著時代的腳步，必然增強我們的語言和知識。試試用族語唸背九九乘法，增加知識與經驗分享給族人和部落。