Kay nagane ki Ngudradrekay mauakalra, lu kaimadu palringalringaw ku manemanane, lri pasalriw su kawriva, kidremedreme ku tamacacapilane si tathingalanane ki drumane, makucingalre sarathingale kwini ki lasu kwini alisu; ai lukalrigilinga su arakaykay, lrika dadalame su, la kibulru madu kikay lanagane ki sawvalay ki labaibay, ki lanagane ki lakawkawlane si latalialaaladhane.

Wadreele madu luka sawvalay luka labaibay, ala kivaga talialaalay, lakawkawlu, luka lakwkawlu maduay, ai luka talialaalay, lrikivaganana su, yatavanane, taagiagi, langutalialaalay iya, ala lri pacengecenge su ki niake lini, sana paamaama su, lri kikaelaela su, kikasamadre kaiwathingale musakene ki talialaalay, ki tarudrawadange iya.

Ku nagane ki talialaaladhane, ku mabitulru ku sawvalay amani kikay sia Lawcu, Kui, Drangalru, Ngerengere, Pacake, Vulruku, Mulawcu, Lavurase, Pasulrange; ku taagiagi lakamani kikay sia Pukiringane, Masegesege, Ngedrelre, Lrangepaw, Tanubake, Lavakaw, kudrumane taagiagianenga.

Naganenga ki lakawkawlu, sawvaladhane si labaibadhane, ku sawvalay makalra ku nagane ki tarapapana, kikay Tedresane, Karawasane, Paerece, Palripilripi, Kaynuane, ku drumane amani kikay sia Lumane, Amale, Kalrimadraw, Cangale, Sisili, Sasare, si drumane.

Ku nagane ki labaibay lasia Kenge, Vudhalane, Cakere, Lrailary, Muakay, Lalui, Laipane, Ubange, Ranaw, si drumanenga. Yakay ku nisunanagane, ka kaika kanaganane, ku sawvalay amani kikay sia Rabucu, Adrenge, Cia, Ngicici; ku labaibay lapasi Ngicu, Dawdaw, Avusu, Lrapi, Kavusu, Rawmale.

Sakelanga ku Dripingu lakisunagane ku Dridripungane kikay sia Acusange, Ziru, Murakami, Hanaku, Minaku, Alaka lawtiatiane sia Cunsecingi, Arua kakalra ku sasunagane, kaulraulrawnga kay kanagane kay Ngudradrekadhane, kaithingalenga ku patharevane ku niake lini, la kaidu mausakesakene, wacapangenga masunaganagane.

魯凱人名如猜謎一樣，早早學會從認名了解許多不同身分、不同意思的男性女性名字吧！

命名認人認名流程：貴族男性大中小名字排行、貴族女性大中小名字排行。