Madalame senay kay langudradrekay, taykalrane ku senay lini, amani kikay sakilaliasane lumupaapalange, sakalaelalangane, arakay ku senay si pathingale ku takidredremane ini ki sawvalay ki labaibay, satalralravadhane, malrigili ku lasaiyaiya lini, la kikakadadalame ki umaumase, yakay lungualay ki senay si kikadalame ki lamaliali, maramaw ki tarasenay ikay ki raziw ki tinse ki taketa. kikay lasenay amani kikay sidrumane ka inalaina, lalrualrumedhane, silrivulu, lralresay.

Ku siasanane amani kikay maibuibunga ki Ngubabuculu si Dridripungane, ala kamaninga kikay ciwkukane si Amirikane. Ai kathaanenga kay latarudrawdrange ka wathingale sidruadrumanane si Dridripungane ku pacugane; kay mwabaibalrithi kaika wasenaynga, ludradradralray wasavidhinga ka lriwsingane, lakakadruanga ku taadiridirivane madu si sidrama naw muadreele kilalalra kipeapearaw iya.

Ku tayngeanane, makaelaela ku vaga ki swakay tali Mawlringu si swatali Tarumake, lakakucingalre arakay kay senay mathingathingale ku vaga, lakamani ku arakaykaynga kikay lawtiatianane, kikay payrairangane si sakamaelanane ka lasenay.

Langimia kikay si pasana kasuburu ku natangimiamiane ku matidadalamane, ku maduay mathingathingale si kalaelange kapeaperaw. Lu kai paarukay tukucingalre kibulru kicakuane kailri tarathainunga si kaamudunga kaulrawnga, si akabalrithi ku takidredremane ki Ngudradrekay.

魯凱族是愛唱歌、很會唱歌又可以創作歌謠的民族，有唱歌本領的男生女生都是人見人愛的對像。從最古老的純粹母語歌到不同的語言，都有不同的風格和效果。

現代魯凱母語被包括日語、漢語、英語在內的流行歌曲漸漸打敗，幾乎消失在年輕人的概念裏，完全失去了魯凱歌謠的韻味和感動力。

一方面魯凱六個方言群的說話特色影響了彼此的呼應，因此面臨歌謠破產的魯凱族，將會發現過去熱鬧氣氛的唱歌文化生活慢慢消失，魯凱的心靈世界將永絕於語言已然改變的高山深谷中。