Makalra ku kivavavange ki lavavalake, la kai tasepele, wathingale silape ku akivavangane lini si kapeapearaw, aru mathingathingale makisudawdalru.

Makaela ku kivavavange ki sawvalay si labaibay, ku kadadalamenga atiatiatina, yakay ku atatama, atiatina,atakataka, aagiagi, si vavalake su, tutumu su, kaykayngu su; la twalay ki marudrarudrange pakela ki twalalake si siarapale ki dayni, ladreele ku tarudrawdrange si kaelaela, anu taelre ki sawvalay ka labaibay iya, lamubere makanaelre. Singikay ku taikayyane madu silape ku akivavangane, ikay daane, latadre, umauma, aciacilay, talrabuabualane, gaku, kiwkay, ki vaiyane si lukamaungu, laikay ku malrigili kidreedreme si sarubu maduane si tapia kwini kivavange iya.

Singikay lutangeangea, tadrusa, tatulru, tasupate madu, latakalrane, la makaelaela ku tapangimiamiane pakivavange maduane ka lavavalake madu. Lutangeangeane, wabawbacungu, dudukulru, kuakuange, pakiakiaw; lutadrusane, tatulruane, makakalrumale, lutatulrunga takalranga makalrualrumale laiya, la aru kakalrakalra ku akivavangane, si pianga ku sakivavavangane si taikayyane. amani kikay pakiau ku lrenege, watalalakadre, twahulriw,makia balabalay, waepaepake, walangui, wadudukulru; lumakibabaladhane yakay lukipasuladhane lu kaidu maka pwalra ki druma, lapelanga lukakaiyaiya, lakidredreme madu ku asaramualrane ku amece madu.

Kikaynga makalranga kay baavane kay akivavangane, la arukakadruanga ku nasidrumane, la aruka talrilrigilinga kay tapangimiamaine, la paadili si paedhaedhale ku baavane, makaelanga turamuru; tapapangale ku tangeangea arakay ki tinnaw ki taketa, kai taelre, ai takalra ku makakalrumale ini, la kai apikivavange ki sidrumane. Ai maulraulraw ku vaga si sakacekele. Lakamani kikay akivavavange, lu pacase ki sakibulrubulruane, kailri kaulraw.

Kikay makucingalre ka saarakayyane kibubulru ki vaga ka kacalrisiane, takukivavange si pakivavavange, kicakucakuane ku vaga, mialri ka apangukayyane ki lavavalake thingale kawriva makisudawdalrunga.

在遊戲中認識朋友，男女同遊戲、男孩的遊戲、女孩的遊戲，以及玩家家酒是最典型的家庭生活教育。以所在的地點、場合的狀況和玩具來遊戲，一人的、兩人的、三人的，還有多人的遊戲。以遊戲的種類去尋找可使用的玩具或自製玩具。 

因新玩具購自平地，原本傳統的遊戲就被忽略，新玩具新名詞使母語被取代而漸漸被遺忘，寓教於樂，文化的、語言的、群體關係的互動與生活知識是不可忽略的教育方法。