朗聲四起

Alang Gluban nii we alang seediq Tgdaya, ga sipo eluw alang Bgala niqun seediq Tayal. Niqan kingal kesun alang Nakahara, ga pcenga meniq ckceka alang Gluban daha ka alang Bgala; alang seediq Tgdaya ka alang Nakahara nii duri.

Alang Gluban nii ge, seediq mmteru alang ga msuupu meniq hiya. Rudan daha dheya knciyuk Tanah Tunux ka ncbeyo, bobo pncbuwan daha ka Tanah Tunux de, tnhrigan Tanah Tunux ka meyah meniq alang Gluban hini di. Ani ba knkana pncbuwan daha ciida mesa, derudan alaang Gluban hiya, ini dehuk 300 hei ka mntngari daha yahun ptheruy hini di mesa. “Musya zikeng” kesun daha pncbuwan nii patis pntasan na ka Tanah Tunux. Ani betaq saya, prngagun riyung seediq ka “Musya zikeng” nii ma ga daha spatis patis nana.

Qtaun ta dheran ga spahan alang Gluban nii de, niqan kingal yayung Qnhaqun ka baang iril na, mqluli moda berah alang Gluban ma, yayung Bgala ka narac na. Kingal dungan we ga pceka moda alang Gluban kesun daha ruru Abis. Netun ta sqita peeyah karac baro dige, so hari ga pdyapan teru yayung ka alang Gluban nii, kika kesun daha “Kawanaka zima” mesa tmngayan alang Gluban nii ka Tanah Tunux ciida. Telu ka meyah smriyux qmlahang ita Seediq nii de, wada na pryuxan mesa “Cingriyo” ka ngayan na dungan. Ani naq so kenu ka pnryuxan daha tmngayan ka kaalang we, iya ba chungii “Gluban” ka tnyanan rudan ta ita Seediq.

Wada 89 knkawas ka pnthrigan daha seediq alang Gluban nii betaq saya di. Delqlaqi alang Gluban saya de, yaani uxe mpkela mesa mneniq quri dheran Paran hiya ka rudan daha ncbeyo di. Ani so kiya we, kndalax tnhrigan Tanah Tunux betaq qnlhangan na Telu nii saya, ga mbeyax so kndusan daha ka seediq alang Gluban ma, mbeyax ppuuyas laqi daha duri.

Egu bale laqi paru pnyasan daha ka alang Gluban nii saya di, malu ba ka kiya. Ani si spuun ta lmngelung hini saya we, “Ga daha chngiyun gaya ta ita Seediq ma, ini hari kela mrengo kari ta ita Seediq ka laqi ta saya duri di. 

Gluban部落的地理位置，左側有北港溪流過Gluban部落的前方，右側是眉原溪，另有一條阿比斯溪流則經Gluban部落的中央地帶。鳥瞰Gluban部落好像被三條溪流所切割，當時被稱為「川中島」，後來又改稱「清流」，「Gluban」才是賽德克族祖先所命名。

Gluban部落的族人迫遷至今，子孫們或許已不知祖先原曾居住在霧社。Gluban的賽德克族子民一直為生存而努力，全力培植子女。如今已有許多受過高等教育的子女，但值得深思的是他們已忘了賽德克族的祖訓，也不太會說族語。