朗聲四起

Uyas kmeeki nii, msuupu mqaras muuyas ma kmeeki ka dungus na. Cbeyo de, niqan ka so qrasun daha de, msupu muuya ma kmeeki ka kana tnalang seedi1. So msterun ka riso ma weewa, smalu Gaya Smratuc, msuupu kmeeki kana seediq alang. Niqan ka so seediq mnosa lmiqu duri, mqaras so egu ka nngalan daha, Kiya ka mqaras so muuyas ma kmeeki naq ssiyo sapah daha denu. Malu bale qbhagun ka uyas daha nii, anu mlukus tanah duri malu riyung qtaan hnyegan.

Kesun daha uyas kmeeki nii, teru klegan ka ppyasan daha. Tgkingan de, niqan yaani sepac ma rima ka seediq prading skkingan lmamu uyas, kiya kesun daha “mdudun muuyas.” Mbahan uyas prading ma, smnegun muuyas bukuy ka kana seediq, kiya ka kesun daha “seediq smnegun.” Tgteru de uyas pyasun rseno ka kiya, kiya kesun daha “uyas ruseno. ”

Seediq prading uyas nii de, so seediq ini beyo mangan ma, so seediq ini beyo lmamu kari. Anu uka ka patis qtaan cbeyo, asi nanaq ka dheya naq ka lmamu kari uyas nii, ini tnelu ka snepu daha kari uyas de, phurisun seediq duri denu. Kiya ka kesun daha seediq malu tunux ka dheya, ini beyo lmamu kari mesa.

Niqan ka so hnity pnyasan nurudan cubeyo, kiya ka ssaan daha smneru lmamu kari uyas nii, asi sunaq ka mkela moda smneru lmamu kari uyas nii, kiya ka maha su dehuk smmalu uyas kmeeky nii. Seediq mdudun muuyas daha ka seediq smnegun muuyas ga msuupu mlutuc uyas, ini qsetoq uyas mesa.

Niqan ka mneyah alang Tongan hiya, gaga msuupu ka lnlungan daha, mosa tmgesa laqi kkkingan alang. Paru ka ngayan daha snalu sehu Nantosyen ta saya, kesun na Cwanisu “ uyas kmeeki ”, nasi egu bale ka seediq mosa ptugesa dheya, yaani maha kndudun egu seediq maha mkela “ uyas kmeeki. ” maha ini qsetoq ka “ uyas kmeeki ” nii denu.

結婚、年祭等，部落族人聚在一起唱歌跳舞。狩獵的獵團，因豐收而與獵團在分享後唱跳舞歌。跳舞歌約有4~5位即興領唱人，其他人則是唱第二部的輪唱者，主要功能是不讓歌聲斷掉，另一個原因是，當第一位領唱者唱不下去，會在歌詞中加入要求誰領唱，以保持歌舞的持續不中斷。

「Tongan部落」有個團體是南投縣政指定的跳舞歌的傳藝師，他們教大家學習唱和跳「跳舞歌」。若有更多的人主動學習，會有更多的人能延續跳舞歌的傳承。