朗聲四起

kasicuayan izua za macidilj a kina a nakemacu tuazua marekaka vavayan katua uqaljai i vavua a masengsengseng.

azua vavayan nasemevalj tuazua kaka a uqaljai ka masengsengseng azua.

manu azua kaka vavayan qivu tuazua kina, “ tutuanan a ku kaka ”. ljakua marimu azua kina tua sengesengan, inika temutu tuazua. kaka, kiqaungan azua kaka vavayan, ljakua inika ljemaui azua kina

neka nusivala nuazua kaka vavayan, vaikanga sema vavau tua kasiv sa senayan a meses azua kaka uqaljai.

manu lemangda a cemas tuazua ljingau nuazua vavayan a semenasenai, manu salimsim a cemas.

sa sisusvalj timadju tuazua sinevalj a kaka uqaljai, sa pavai tu ita sekam, sa paseljenguaqi a pakataqed.

sa lapi nua cemas azua timadju a vavayan a pasa tjarivavau ka masulem, lemangda azua kina tua qemauqaung nua uqaljai a ljingau kipakirimu a semazua pacun.

manu amin azua pinaqereng itua sekam a uqaljai a qemauqaung, ikana pacun tuazua vavayan.

vaikanga pasaumaq azua kina, sa pasemalavi azua kama taicu a sengesengan, mavarung aravac tiamadju, sa ikamakatezeng pasa qemaung.

kasipakapitjulj a qadau, manu semaumaq azua vavayan, ljakua timadju nameqacanga, saka namebulai anga.

ka pacun a kama tjaimadju, inika kemeljang tu naljaima vavayan a aljak, manu kivadaq, “ na kemasinu sun? ”

azua aljak si pasemalau azua sinatjarivavavan a pinakacuan tuazua, si pasemalau azua sinatjarivavavan a pinakacuan tua kama nimadju.

qivu timadju, “ tiaken namasan aljak anga nua cemas, tiaken inikanga tjemaza tu aicu a tapau. ” timadju nakemakezeng tu inika kiljaui kiadjuq. amin a kiqaung tua matjaljaljak tu pavayan timadju tu tjelu a vat a vaqu. sa qivu, “ saljinganga tu vaikanga ken, ku kacuin tu ku sitjugut, nu kivaqu aken muri ku paisuin, sa muri izua zung a zemaing ”.

有位母親帶著兒女在田裡工作。母親工作時，由姊姊背弟弟，弟弟肚子餓在哭時，母親一直不餵弟弟喝奶。天神聽到姊姊唱歌，覺得她很可憐，就把弟弟放在草蓆上，把姊姊接到天上。傍晚，母親聽到弟弟在草蓆上哭，卻沒看到女兒。

七天後姊姊回家裡，但已經長大，父親不知道她是誰。姊姊把事情告訴父親。她說：「我成為神的女兒，不能住在這裡，請給我三粒小米，我回天上會種植，小米長成，我會搗樁我的小米，將會雷聲作響。」