朗聲四起

tasicuayan izua i qinaljan, uzai a madrusa a maraljak a nakemaizua. a kama namevulunganga. ljua’ua kamayan a ljemita tu qadaw a sema kavavuan. sa zemangazangal a karakuda. azua aljak a ’uqaljay. namaqacuvucuvung, natarivak sa napuqizing. lja’ua nu anema sengsengan nekanu ita a ljemita tu qadaw. a ’inatjengelayan a masengseng mavan a ’ivangavang sa’amaya. qaw sa namicaucauan a keman tua ’inisamuljan na vuluvulunganga kama. a ’inikavecengel a vaqu a vurasi.

qaw, azua aljak, ruvaik a sema tua kasusu a ’ivala, sa nupacunan a ’inaqaziman, ’itjuvarungen a malap sa kani. si’anasamalji nua zuma caucau. nagemalemegem a kakudan ayaya.

azua kama, mapuvarung tua zua aljak. uri kemudanga nuvililj aya kinemenem sa sinisan liaw a temulu ta aljak tu ’iumalj lja’ua, ini’a maumalj. azua kama, nekanga siumalj ta aljak. pavililjanga sa uri ’itezeng ta varung tu papacay ta aljak.

uzai a ita qadaw, kacuin na kama a azua aljak a sema cemecemel a ’ivangavang sa kacui a ljevavaw tua cunuq. qaw sa nazemangal a pasemalaw ta aljak tu “ nua’ukudain sun a temulu, ini su’ilangeda sa naljemita tu qadaw semengsengan tua nakuyakuya. namasuvarunganga ’en. tucu, uri sizurung sun a tjemani ta cunuq! ” ayain. sa uri semalima a zemurung tua aljak. manu qecengen a kama sa qivu tu “maya nan, nacuayang a’en a kemeljang tu uri namayatucu a ’useljavakan. yadri tu supasalima, mintjuljuk a’en a macidjilj” aya. sa mintjuljuk a sema tua cunuq i teku.

從前在一個部落，有一對父子兩人住在那裏。父親已年老，仍每天去旱田，很賣力的幹活。兒子已成年，健康又有活力，每天在家裡游手好閒，又常到朋友家遊蕩，看到什麼就拿來吃。吃著年邁的父親準備的小米、芋頭。

父親很憂慮兒子，三番五次訓導兒子，但都沒用。父親實在改變不了兒子。一天，父親把兒子約到高崖上，說：「你總不聽勸，每天做壞事，我已經絕望了。」說著就要推他。這時兒子說：「等一下！我早就料到了這一天，不用您來，我自己下去。」

從此以後就有了猴子，好吃懶做又不勞而獲，恣意偷拿辛苦種下的莊稼吃。