朗聲四起

ta kakedrian anan aken, izuwa a makatalj, marivu amen a paramur angata katuwa u kaka a masa vangavangan.

ta pacun ti vuvu i Ljeg’an tjanuamen a inika uri matjatjaulaula, mangtjez a qivu tjanuaken a mayatucu “ kisan tjamangwaqu tuwa su kaka! ini anan a kemljang timadju tuwa nanguaq! ” aya.

tuwazuwa, kemljang aken tazuwa kai ni vuvu tu sinikanemaya tjanuaken tu ulja pasangav tuwa u kaka siniaya, ljakuwa inika ken a makakinemnem tuki anema angata azuwa pinitaladj a patarevan tazuwa kai anema azuwa uri u “sikisan tjamangwaq” tuwa u kaka a kemasi tuwa u pinasangavan?

tucu a patjakezeng anga ken, izuanga u kinljangan tazuwa kai ni vuvu, au liav anga auta a u sikitjaucikelan a kinasi tuwa Sisiu nuwa buksi i kiyukai, a sinitulu tuwa sinziya a nasepadjemet taicu a kai.

a maru mavan anga azuwa siniqaqivu ni Yisu tuwa salasaladj a mayatucu “ azuwa tjalja vavavan i tjanumun, kiparu kakedrianu. au a namasan palaingan, kiparu saskauljanu, ” aya.

izuwa za kai a mayatucu “ nu ljialikuz itjen tu tadjekuac, tjametjaljiqaca a i palingulj, ” aya.

azuwa patareven taicu kinalan, azuwa kemeljang tuwa mitatekuwan saka rupasangav a caucau, mana uri patjatjaljiqaca tuwa sipasasivavatjan tuwa pacugan, inayan. aicu a kai namadjadjameq angata a patarevan katazuwa kai a Pinaiwanan a “ kisan tjamanguaq ” aya.

kemasi taicu a kai a “ kisan tjamanguaq, ” makaya itjen a sepurukuz tazuwa sivarungan tua kina’ikacawanan katuwa sinan kakavelian tuwa nasi nuwa se Paiwan zuku.

 

 

小時候與弟弟為了玩具爭吵。Ljegean奶奶勸我讓弟弟！他還不懂事！」（kisan tjamanguaqi字意為「讓自己比他富裕」或「讓自己比他優勢」）我明白要「讓」弟弟，但無法理解，「讓」弟弟如何使我「富有」（具優勢）！

長大後，有些明白奶奶的話。耶穌對門徒說：「你們裡頭為大的，倒要像年幼的，為首領的，倒要像服事人的。」意思是說，懂得謙讓，才會有更大的空間面對事情。這和排灣族語的「忍讓」不謀而合，可以看見族人的人生態度和生命價值。