朗聲四起

tucu a namasan kakudan tua kinamamazangiljanan i Payuan zuku, ini anga ka namasanpazangal a namaya tua sicuayan. qau a marka maqacuvucuvung neka nu kinljangan tua patjaricu, ljakua a marka vavuluvulungan saljivalaw a kisankuya.

azua kai a: “nu izua maculjaculja i qinaljan siaqan nua mamazangiljan!” aya, nu inika se Payuan zuku anema a keljang, mavan aicu a tulua sinikanapakisumalji nua se Payuan zuku.

nu kinemnem a tima anga, a mamazangiljan paquziquzipen nua taqaljaqaljan, saka amin a kipapiayan tua kinamamazangiljanan a ngadan katua mapaqaljayan a vinala, a zuma anga neka anga nu namuadaw a tja sanazuain, nuka ki izua ayaya qivu, pasalisaliw! azua pukai tua namaitucu masa inika kinljangan tua namasan kakudan tua kinaqinaljanan nua Payuan zuku.

a penaqulidan, inika namapuzangal a vavuluvulungan tua inumaljan nua sihu a “pakiamaw tua kakudan a seman Ljautia” tua qinaljan i kacalisian. ayatua mavan anga kinasizuan a maljekuya nazua tjaljanguaqan a kakudan nua se Payuan zuku.

aicu a namaitucu a kinaqinaljanan i Payuan zuku, kemuda saka uri izua maculja tua taqaljaqaljan? pai mavan aicu a kakavelian nua mamazangiljan itua qinaljan nua se Payuan zuku.

aicu kinamamazangiljanan i qinaljan nua se Payuan zuku, sipatatavelavelak nua maraljakljak, a marevuvuvuvu, qau a sinan kakavelian tua kakudan, sedjaljep a namaya uta a tja sipatatavelavelak a palalaut, ljakua nakuya tja sepi, a tja sanpqetelengen anga aicu a nguanguaq a tja kakudan, a marka maqacuvucuvung neka angata nu kinljangan tua patjaraicu, mavan nu sinikasaljivalaw a kisankuya a marka vavuluvulungan.

排灣族的階級制度漸漸式微。年輕族人沒有知覺，這無非是長輩們無奈和痛苦。排灣族最特殊、最有價值的社會制度，首當其衝的受到破壞。排灣族確有向頭目「繳稅」的形式，就是挑選上等的收穫送到頭目的家，這是每個族人樂意做的事，因為族人們知道，這不是為了頭目的好處，而是為了要幫助部落需要照顧的人。

在排灣族的社會，部落頭目世襲，這種價值觀也應代代相傳，但不幸的，年輕的排灣族人沒什麼知覺，這是長輩們的無奈和痛苦。