朗聲四起

kasicuayan a pa’ulid azua tja ’inuman, izua sakamaya sinipazekatj a temalem tua tjevus a ljemavingan tua vavua kata salingaungaulj. pa’enetj a ’en tazua, nu makasalimanga tia vuvu sepa’aliulius a seme’as tu pida a tjevus, kacuin a pasauma’ a tjevus, makaya galjuinanga a ’emetep. aza pinangetjez a tjevus pengeru’ngeru’en sa tjuljaki sa lemadip a ljemusepitj. nu matazua madjuluanga a ’etepen nua kakedrian a ludjuludjuanan a aljis. saka nu maluamiami, makaya uta a sepakacu a tja cingas kata ’iljang i tjaladj ta angalj, sa maparimasudj a tja aljis aya ti kina. tazua nu izua a pinadjuluanga ni vuvu a ’a’etepen a tjevus, djauljenamen a mareka vuvu, palje nia lja’edi a kakedrian uta. kana “kelju…” nuaya ti vuvu, tjara pakirimuamen a masi kisi tua nianiamen a menacidjiljan. valau tazua ma’a’izi’izingamen tua nia ’usavan!

 “kiljengua’u ri! a mareka ’u vuvu! maya ma’utjav! izua sakamaya a masan nisun” ayaya ti vuvu tazua! pai malingulingulj a men a namalikuculj a ’emete’etep tua tjevus. nu izua nemanga pangapangljen ni vuvu, inika ru’ilji, pasedjalu tua timanga, namayatazua a tja ramaljemaljeng a sicuayan, inika puljaima ta ’a’unuan ika pasasumaya ta kakiljivakan, tja vuvu a mapuljat aya sikudan. ka me’acangamen a pagalju, nu mangetjez a men a kasi gakku, sekauljan a men a matjatjan, marepusalasaladjamen a mapana, venaca’ a pivakic ta zaljum, nu makayanga izuanga tjevus a sinipadjulu ni vuvu tjanuamen, nu namazengzengiten, semu’usavan a ravac a tjevus! aiyanga tazua nekanamaya tua sangua’an tua ’aljeme’eman na tjevus ayaya ti kina lja! saka aicu a tjevus inika amin a ’a’etepen sakamaya, nasepakacu tua tja sikudakudan nu masudjusudju. nu i ’adavanga ta pucekelj aza rinava nua sau’aljay azua inalu, tjara pakaizuain sakamaya drusa ’apuluan, palja asav palja kapaz, penili’ tua ladru’ a retegan/ pinuculan mana ’aljeme’em.

avananga masalu a savavayan tua kiljivakan nua sau’aljay. aicua tjevus, izua patarevan tua sini pakiamav turi namarekatjengelay a marecekelj, turi pualjak sa namaudalj sa namivadvad tu papirazek tua kinacemekeljan. ulja tjen a kemeljang taicu a tja kakudan tua pinakazuanan nua ta vavulungan. ulja tja kicualan tja kipa’enatjai a parekiljivaljivak kata namarepa’alja’aljay a sikudakudan niamadju a tjaisangasangas.

排灣族傳統作物，甘蔗栽植於田園或庭院角落。大人工作完畢，會順路砍幾株回家，再來慢慢啃。媽媽童年，奶奶把帶回來的甘蔗分段處理，經過削皮、剖開，再切成薄片。等奶奶把甘蔗準備好，就會招喚孫輩們及鄰居的小朋友，大家不約而同趕緊拿自己的碗。啃甘蔗是當年最好的零食，那時的甘蔗特別甜！

在排灣族婚禮儀式是嫁娶必備的聘禮之一。因為它象徵夫妻甜甜蜜蜜。早生貴子能夠繁延繁榮家族的含意。希望我們要傳承互助互敬的傳統精神。