朗聲四起

tinagiljan nua nitjen a kacalisian a ’ata. tiamadju a tja sevalitan nadjemekep tua ’uljicacinglav, sa penili’ ta nganguangua’an a maca sa paciuan ta ’avu na kasiv. sa tjakebi a pi tjaladj ta valanga aya. ka sikapusalj a ’adav, cekaljen aza valanga, manu izua maljian a vute’ite’ilj a maru vangalj a zararezarezar a kinakemudan. nasememalji a pa’ulid! saka aicu a vangalj sipapungadanan tua (’ata) aya. azua a mareka maretimaljimalji a ’ata, pinatjatju ngadangadanan pina tjatju nasinasian auta. namatazua a pinakazuanan a kinive’acan nua tja ’ata a kacalisian aya tjaucikel.

aicu a ’ata, ayata izua nama’acuvung namarasudj a sipacunan tua sikudakudan. saka azua sinipapungadan a pazangazangal a ’ata, mavanazua (mulimulitan) aya. maretimaljimalji a kina’uljavan. azua sipukeljang savid a vucelacelay sa tjelju’an a menalang tua maljiyan a vecik kata ’uljav. aza maru(kurakurav) aya, aza maru(luse’ na ’adav) aya a mulimulitan.

aza (kurakurav)a mulimulitan, sinialap taza kinanguangua’an a maru ikuyku na kurakurav aya. izua za nasau’aljay a mazazangiljan, venu’esi a kemasi kalevelevan tua ikakedri a ’ata, pakeljang tua tjengelayan ta savavayan a sudju nimadju, mavana za (kurakurav) a mulimulitan aya. saka azua(luse’ na ’adav) a milimilingan maitucu aza tjaucikel, kasicuayan nasepadut a ’adav tua ’inaljan a maturi djaljunen a ’aljiv aya, selapay a zalangezangan, matu kikemada sa ma’ulip a ’adav aya tazua a cawcau.

izua ka makatalj, aza cekelj naza mazazangiljan, ka lemikezalj tua va’u, aza liulj semusu’ a paka ta ladruadru’ a pucevuljan, manu masavuta aza ’adav sepakacu tua liulj, pai matazuanga sa kisaseljang a ljevavav… ljevavav… patje kalevelevananga. pai kavaivaik ti ’adav, peluseluse’ sa djuadjuas ta luse’ nimadju ayaya ta valisakedan…avananga siayaya a (luse’ na ’adav) a mulimulitan aya.

aicua patjara tjaucikel nua ’ata a mulimulitan, nguangua’ a ravac! padjalimitjen a kisasusuan tua tjaucikel ri! nu izua tja pazangazangal a palisian katua tja kaka’epuan tja sikialalang a pacaing sakamaya tua tja puzangalan. tjakeljangen tu kinamilingan a tja ’ata, pinu pacuganan itua tja sikudakudan, manasika tja sauzayan angat a palalaut aicu a ’ata.

相傳祖先捕捉了不同的蜻蜓，採下牠們大眼睛並混在木灰裡，再用木臼覆蓋。第二天掀開木臼，晶瑩剔透亮麗無比的彩珠，後來就稱這些珠子為’ata，意即美麗的果子，還有別名蜻蜓珠。通常位於項鍊的中央珠子以白色為底帶有藍紅黃等紋彩，精美細緻如孔雀尾羽。琉璃珠稱太陽的眼淚，相傳頭目的妻子在煮小米時，太陽隨著熱氣慢慢升高，太陽不捨落淚，成了珍貴的琉璃珠而得稱。

琉璃珠它們象徵的意義及凝聚的價值是我們排灣族人文化遺產及珍寶。