朗聲四起

a niya kinacemkeljan, izuwa tiya vuvu, ti kama, ti kina, katua marekaku kaka, nakarekiljivaljivak amen.

aku vuvu a marusa, temukuzakuzan anga nu djemavac.

mababuray aravac, tiamadju, nuvaik a kivala a kivangavang, namatja tjiyatjiyak, djemeridjeri nu maljaval.

iyana kepacun tu marivu , a caucaw, nupacun saljinga ta sine djaluwan niya vuvu. nuseqepu tayqinaljan a remaljemaljeng djemelidjeli sa kamaya sa kisasudjusudju tuwa timaymanga.

a ku kama kataku kina, nekanukusi kiljavalan. tuwa nanguwaqan

buraytuburay sakamaya, ljakuwa, izwa sa masan nitalj a uri kusipasemalaw.

izuwa tu qadaw, gemalju a mangetjez a sema tjumaq aku kama, tuwazuwa nakisezam aku kaka.

kaw masukiljaljavanga aku kina, kamangetjez aku kama.

manu kasi nuwan sun, mayanga tja aljak a nakisezam, ayain naku kina. mapaljiyu. sa makinamalji, pagaljua qivu ayain, saturekan taku vuvu naku kama remumalje, taramaljemaljen ayain.

kaw tiyamen a taqumaqanan namare kiljivaljiva kamen.

akukama sayguwa maljikay sayguwa papedjeli tja sayguwanan a puringay ta sacemel, nu sema gadu a qemaljup, kacuyn avatu nikama a qecengecengel, qaliyaliyan avatu nimadju.

tjengelay a semapana sema veljeruwan a kiciqaw, a kigang, kiquzang saljingaken tu mangtjez mun ituwa niya cemekeljan uljakunu pasiyavi ta sacemel ta maka pana ta maka veljeluwan aciqaw pangetjengetjezu keljukelju ituwa niya cemekeljan.

akukina keriya kay ljakuwa kana makinamalji namaya ta venalivali namaya ta lemunimuni nama ta zemuzung, ljakuwa aycuwa kinamalji na kukina masa niya culeq masaniya liningavan.

aku kina liyawa sengesengan namaya ta kemesa venateq semuwap semenaw palimasudj ta itjumaq, numawqadaw semavavuwa a masengeseng ta puvaquwan tapululasiyan ta pupaketjavan tapuljacengan, ikakemeljang ta maluljay amin asaljingan tuna talivak tuna suljivatj amen.

amaleka kukaka namaya tjanuwaken kitulutuluwanan ikungkuwan.

我們家有祖父母，爸媽和兄弟。兩位祖父母，走路都要拿拐杖走。兩人和睦，出遊會手牽手，從來沒見過他們爭吵，人人羨慕。

有一天，爸爸慢回家，正好弟弟又在發燒。媽媽等得急死了，媽媽很生氣。爸爸馬上說，說話小聲一點，不要在祖父母面前發脾氣（表示不尊重）。所以，我們全家都互敬互愛。會開玩笑的父親，更會狩獵，常和黑色的狗為友，常到河邊捕魚，讓大家來我們家吃。