朗聲四起

ka patausi a qezemezemetj, ti kulilj na temekel anga ta vaqu a vawa tu tjanu piday vatjukun, kaw na masilevana anga.

timadju manu sipasiqaca tuwa aljak a kiljavaran, “ kemeljang sun, a uqaljay nu maqati a qemaljup maqati a puvaljaw yu!. ”

“ a! numaya kemudanga ken? amina cemeqadj a ku kinaqati! ” aya

“ maya mavarung! ku tuluway anga sun, ulja tiaken na maligu a si qaljupan ni kulilj aya caucaw! ” aya kama.

“ ljakuwa tiaken neka nu kusa qemaljupan ljaki kerikeri, tuki maqati a ika qemaljup? ” aken aya.

“ ka na lemedaw tjen, aqemaljup, ngadan na rakac” ayayin na kama. “ paqulid, izua namaitucu a kakudan? ” dri aya za aljak izuwa tjawcikel! ” anga ta aya kama. “ anemaya tjawcikel! ” kama.

“ tanazua a kemasi gadu a sacemel kata caucaw na mata ljaljiquljiqu namaciyuciyul neka nu lekutjan ta caucaw. ”

anaqemati pasemalavan atja vuvu anga, timun nu sakeman tana vavuy a vutjulj. maqati atja qaqivuin a vavuy a papangetjez.

kana tja veljuwan ta quvalj tu ita, sa pasata kadjapali sa caqevi, tjakaljavay a palamu nusauni anga, nu tja sucaqevan, pina gaugavan-itjen tana vavuy a vutjulj. kana sacemel maqati sa kamaya. numaytazuwa, a caucaw ika uri sepakilingaw a keman tana sacemel a vutjulj.

izuwa tu qadaw, timadju qaqivuin azua vavuy! ikana kinemenem kiceviqi ta vutjul na vavuy, azua vavuy mitatuluq ta paka saqetjuan, cemaqelaw, “ tisun! ana tjemalaw a caucaw, kemasi tucu a patagilj, timun mayanga semaceqalj a venarung tu sa keman ta ku vutjulj. nu sakeman mun ta ku vutjulj, kunu kungatji aya timadju. ”

maka kiljavaran, ki papapenid sa ukelj a pasa kasikasiven, kemasi zuanga a pasuvililj, nu sakeman itjen ta vutjulj uri tjasini patje macayan a semagadu a qemaljup. avan nu sika liyaw nuwa cuqelalj a qulu nuwa vavuy itua umaq nuwa rakac.

上古時代，山上的禽獸和人雜居在一起，根本不怕人。如果想要吃山豬肉的話！只要拔一根豬毛，把毛放在籃子蓋起來，等一會兒，掀開蓋子，就可以得到山豬肉。日子一久，有個貪心的人把山豬叫來！出其不意便拿刀往山豬身上割，山豬痛得跳開並大聲詛咒。從此以後，當人們想吃肉就得冒危險上山打獵了。

打獵不只是為了吃肉，因為我們為了要得到牠們，不但要用腦袋，還要有體力和敏捷的反應，這就是為什麼家裡有很多獸骨的人，就是勇士。