朗聲四起

ka patausi a qezemezemetj, ti kulilj na temekel anga ta vaqu a vawa tu tjanu piday vatjukun, kaw na masilevana nga.

timadju manu sipasizangal tuwa aljak a kiljavaran, “ kemeljang sun, a uqaljay nu maqati a qemaljup maqati a puvaljaw yu!. ”

“ a! numaya kemudanga ken? amina cemeqadj a ku kinaqati! ” aya

“ maya mavarung! ku tuluway anga sun, ulja tiaken na maligu a si qaljupan ni kulilj aya caucaw! ” aya kama.

“ ljakuwa tiaken neka nu kusa qemaljupan ljaki kerikeri, tuki maqati a ika qemaljup? ” aken aya.

“ uka na lemedaw sun ita sicuacua yan, ki maqati daru!” ayayin na kama. “ paqulid, izua namaitucu a kakudan? ” dri aya za aljak izuwa tjawcikel! ” anga ta aya kama. “ anemaya tjawcikel! ” kama.

“ tanazua a kemasi gadu a sacemel kata caucaw na mata tawtawd a maciyuciyul neka nu lekutjan ta caucaw. ”

anaqemati pasemalavan atja vuvu anga, timun nu sakeman tana vavuy a vutjulj. maqati atja qaqivuin a vavuy a papangetjez.

kana tja veljuwan ta quvalj tu ita, sa pasata kadjapali sa caqevi, tjakaljavay a palamu nusauni anga, nu tja sucaqevan, pina gaugavan-itjen tana vavuy a vutjulj. kana sacemel maqati sa kamaya. numaytazuwa, a caucaw ika uri sepakilingaw a keman tana sacemel a vutjulj.

ljakuwa ka cuwacuwayanga, izuaza na kitju ramiljan a caucaw venarung a kinemenem. ana sacemel a quvalj aku maqati a masan vutjulj, nuavan a vutjulj angata tjara tja sanguaq!

izuwa tu qadaw, timadju qaqivuin azua vavuy! ikana kinemenem kiceviqi azua vavuy, azua vavuy mitatuluq ta paka saqetjuan, cemaqelaw, “ tisun! ana tjemalaw a caucaw, kemasi tucu a patagilj, timun mayanga semaceqalj a venarung tu keman ta ku vutjulj. nu sakeman ta ku vutjulj, ku kungatji timadju. ”

maka kiljavaran, ki papapenid sa ukelj a pasa kasikasiven, kemasi zuanga a pasuvililj, nu sakeman itjen ta vutjulj uri tjasini patje macayan a semagadu a qemaljup. avan nu sika liyaw nuwa cuqelalj a qulu nuwa vavuy itua umaq nuwa rakac.

喜宴的晚上，kulilj喝了幾杯小米酒，高興的起來。他大聲的跟兒子說：「會打獵是一種英雄的證明」。

上古時代，山上的禽獸和人雜居在一起，根本不怕人。天神告訴老祖先：「如果想要吃山豬肉的話！就可以叫山豬過來。然後，只要拔牠一根毛，把毛放在籃子蓋起來，等一會兒，掀開蓋子，就可以得到山豬肉了。其他動物也一樣，只要記住，不要用刀子割他們的肉就好。」

人們輕鬆地享用各種肉食。日子一久，有一個貪心的人想：「動物的毛都能變成肉，真正的肉一定更好吃吧！」有天，這人把山豬叫來！出其不意便拿刀往山豬身上割，山豬痛得跳開並大聲詛咒。

從此以後，當人們想吃肉就得冒危險上山打獵了。但在我們的族裡，打獵不只是為了吃肉，打獵還是英雄的象徵呢？因為我們為了要得到牠們，不但要用腦袋，還要有體力和敏捷的反應，這就是為什麼家裡有很多獸骨的人，就是勇士。