朗聲四起

mangtjez anga kalalazung kata tjainan ana masi alju nua vuciyar, kinipusauan anga kavuavuan sa tjumaq a tavaluljan a sizi kata gung, remuqu ta sapuy a tjukutjku a qudjilj a matu sapuy sa tjuaq a qadaw, ka temeljar a dingki ita djalan sa parasulem a pakeljang ta qinaljan, mangtjez anga kipagalju a qezemezemetj na kaljavaquan. mangtjez anga! mangtjez anga!

ljeteku anga kipagalju a kemasi tua ngaingaw nua yasi. mangtjez anga! mangtjez anga!

vinuqesian a pulingetj tua cencu kata qaqacan tu galjiljgilj a ginpian a kalevelevan. na bulay a vengin na kaljavaquan lja!

na sarunguaq a vengin na kaljavaquan lja!

na taqed anga qinljevan tua drinipa kaizuan a siusiu kata bibibibi.

maka kilangda tua milimilingan ni vuvuvuvu a ramaljeng, a uqaljay kata vavayan a kakedrian sevaik maca a misepisepi anga.

taqed anga, na daqed anga!

matu ljimeljimek, na miculeq sa kataqed a gadu!

matu ljimeljimek, na miculeq sa kataqed a kavuavuan!

amin anga na kitjavu tua padrar i tjaisasaw tua qezung a siak ana paceged anan, kinecekec a vaudj sa kipagalju a ljevavaw tua qaljiw.

amin anga liljualjuas a pana na paceged anan, kipagaljugalju a semanay sa kicakau a maka ta vikiviking a kedrikedri a tjakudrang.

amian anga karuang ana paceged anan, mekelj sa tjekacauan tua qauqauin, kicaciuran tua masi ranpu a qucivauvau.

malevaleva tjeqalja ita bulabulay a vengin na kaljavaquan.

本篇文章出自「夏夜」。