朗聲四起

anema sikavaljualjut na sepaiwan kasicuayan, mavan a semualap ta cemel ta kasiv sa ljamayi sa sanqumayi. kata qemaljup tjepana. a yiqinaljan nuri qemumaq nuri kemavacuk nuri semanumaq, nu aminyitjen a yitjumaq a kipusengsengan uri nalemuljai saka uripaljeraru tua qadaw uta, avanasika nukalja sengsengan i vavua, aicu a paiwan tjaljatjenglayan ta mazazeliuliuljan.

anema mazazeliuliuljan nu ayayitjen, mavan na masasumusumus amasengseng, na maqacuvucuvung namatjevetjevelj masengseng. ljakua inika papaqadjilj, azua tiamadju a mareqaliqali a maredravadrava katua maresudjusudju a maqacuvucuvung, madjadjaladjalan a vaik a kipusengesengan.

pacun ta sengesengan nu na tjemangatjang piisangasen, matazua masasumusumus a masengseng a maqacuvung a patje maqacuvung a sengsengan. aicu a namayatucu a sikasengsengan, ikatjen a masupaisu, saka djaljav aravac a maqacuvung a sengsengan, qau tjitjen a mapuljat na marekiljivaljivak itjen uta. nanguaq aravac a namayatucu.

selapai nu ljiazaya anga sazazatj, qemiladj a mapuljatj i tjaizayazaya sa kipaypayz ta tjakurung sa senasenai. azua senai kipalingulj ta gadu, kumalji a cuaianga malangdangda anan azua ljingaw, izua nu malimanga mapuljatj tua luljayan, azua levan katua kinanguaq namaya tua zinuga!

tucu izua anga kikay a sikasengseng ta anemanga sengsengan, patagilj anga sepaiwan a semakikay a seman quma. avanasika pazangal a pacun ta mazazeliuliuljan a masengsengseng.

tjuruvu a sepaiwan a caucau a patjeljip aravac tayicu. aicu a mazazeliuljan nanguaq aravac a kakudan na sepaiwan, nanguaq a tja pacikelen satje pazurungan avan zua paqulid.

過去排灣群的經濟生產是以「山田燒墾」的農耕為主，狩獵和捕魚為副業。在部落裡，都是需要勞力的，每逢農忙時期，排灣族最常用的工作方式就是「輪工」。

「輪工」就是互相換工，是未婚青年的集體工作行為，但不強制，通常是一群朋友，或彼此相互愛慕的青年男女一起工作。以工作的急迫性來安排工作的先後，工作天數以一天為原則，輪流做到工作完成。這種勞力生產方式不用花錢、完工速度快、又可以培養族人團結合作的精神，真是一舉數得，多麼美的事！

除了農事會採取輪工方式，其他如開墾新地、蓋新屋、種或採收小米和芋頭、修路、救災等等，只要是比較複雜、艱難、耗時的工作，排灣族人過去一定會採用輪工的方式完成。

現今農工業發達，機械代替人工，在部落很難再看到這種輪工的情形，有些族人深感遺憾呢！排灣族這樣美好的習俗，應該要設法恢復、保持下去！