朗聲四起

angahliaku umalilʉsʉ arataisana, micikiri miararuma, tammuucuaku kuahlahlamʉ, maniki micikiri miararuma ualucu caihli, atʉhlʉngʉ hliparanaku arataisa, mairahlucu nua hlitakacicihli tumangurana maravacangʉ tukucu, kuhlaisai, patasuru puaili miararuma ia, atʉhlʉngicuaku mainimana tua hlitakuamiana.

akuku mainimana, ma hlicaliva hlitakumiana tam masasangarʉ, atʉhlʉngʉ patasuuru umalilʉpʉngʉ puaili salia ia, marumuku musa sʉsʉsʉngʉa ukikirimi hlatʉngʉ vuvulunga,  hlatʉngʉna marikua rumaturukuka, matapangʉ lamuru turukuka, pitahlua mikua sahlumu apima lamuru turukuka, hla pasaʉlʉsʉ hliupanga pasaulaula’ʉ, pasalʉpʉngʉ, ruavicicua ahlalua ahlaina ihlaku nua hlimilavaʉ, musa hlipatuaiiailia tamu’u musasasala,  kumita kumaru’ai ka mangʉsa ahla hlisurakʉ tuahlʉ pangururaʉ, ahla musa mahlukua hluhlungu matisangalʉ ’apasʉ hla ’arisakai, matilʉpʉngʉ tarʉsiatʉacu puaili salia pusipi avavu uuru.

akuku mainimana, atʉhlʉngʉ patasuuru miungu taluavaʉlana, malialikihlia inahlamu musa salia tamu’u ahlaina, patasuru maci aracahlia tamu’u muacʉkʉhlʉamu saliaisa ia, maialalangʉa tamu’u ahlaina matumuhlu aanʉ avavu pau ihlahlamu, kuhlaisai, rianʉa cucusalia mahlukakua salia tamu’u ahlaina uumu uuru, kikucu arupakakari, cumapa papa’a. kani’i ia akuku mainimana sitakurarau ta’iara maci taluavaʉlana

mairahlu, patasuuru miungu taluavaʉlana ia, marumana siausua ta’iara tuahlʉ tumamahlʉngʉ, ihlaisa ama’ana ruavici ihlaku nua hlimilavaʉ, musa patʉkʉ hluhlungu matisangalʉ vutukuhlu, tam marumukuaku mʉlʉvʉ ama’ana musa matisangalʉ vutukuhlu, ta’iaraisaka taratʉahlʉkia kuakitikiti vutukuhluna, marua vutukuhlu mavacangʉ tapaʉisa, marua vutukuhlu pakaritʉkʉhlʉa ’isisisa, marua vutukuhlu maci ʉmʉca ia makʉngʉcʉ hla masavʉlʉ, karʉkʉhlʉ musa matisangalʉ vutukuhlu ia, tam matiatumuhlu vutukuhlu, kuhlaisai, matiacʉʉpʉngʉamu vutukuhlu usumanʉ, pusasusuhlamu hla tamu’u nua tamalʉngalʉhlamu. makacani atʉatʉhlʉngʉaku maramamaini, mavacangʉ mangusipi. kani’ina ia tuaku akuisa mainimana, kani’i pahluailia tam mavacangʉ pasamia.

離開部落將近八年，從小就生長在部落，已經跟大自然變成好朋友，只要回到部落，我就會想起小時候有趣的生活。小時候，放學回家就去草叢裡找野菜餵食小雞、換水，再跟動物們玩耍。姊姊會帶我和弟弟去田裡面走走，採芒果或草莓，或去溪裡捉蟹蝦。

假日，媽媽會帶我們去外婆家玩，外婆會準備很多的食物，我們一起聊天、烤肉，爸爸會帶我和弟弟去溪邊抓魚，每次去捕魚都有很好的漁獲量，我們會取適量的魚，其他分送。