朗聲四起

’a voe noacachiana na a’o, ’o emoo’u mo yonto yo’hunge to nia’ucna ne psoseongana, ’a lamia (lamza) toh’usnu ta tapangʉ, zou mi’o nuvohe ta yasiyungu, ’e conoemoo’u pantomo loete’e ci mameoi, na’no yonghu ci inohe, yaafeangoa ci amoconi, totontone ci inoconi ho i’o pasu’e pop’e okoa ta ino’u coni, ’so a’ʉmtʉ angu kaebʉ ’oyo toaphoyʉ, ko’ko lasi cuc’no yainca to vanmsi--”voe snooknoko”; ’e pasuya ci mita’so a’ʉmtʉ naa’no kaebʉc’o tiupuzu! ko’ko lahe cuno toos’onki ho yainca--”pasu’e yafeu ”, la’so a’ ʉmtʉ sooma tos’onkoa na nia noana’oto.

ne fuengu, cuma na teno’so hioa ho lac’u feʉngna! ci ’alano ngiteuyunu ngicu, la’u atva’esi kaebʉ suchipi to ak’i’u, zou hola no eʉsvʉsvʉtʉ, lasi ahta o’te sotaica ’o patunkuonʉ, hocu eukukuyungva-- yamasiana, himeu ci chumu---, ’a la’us’a ahta ta’hupsoni ho na’no taunona’vʉ. ko’ko la’ucuno na’no kaebʉ fihto amo’uconi ho cocoeconʉ ta mafufuengu hota cpucpuhu, mioci to’o’ofeihni no caphʉ no nianoana’oto, lasi yainca to ak’i-- ”lako letmaseiti, at’inghi ma lahe yaezac’o pohpoengoma na su, zou hoci o’te einuu ho bobochio ta hpʉhpʉngʉ, mala a’ʉmta sokoeva”. zou ’o’oko! te’o ocia tuhtuocosi na muu-- ”honciko yupteilʉ no kua’onga ci moatʉ’nʉ, tekono a’ʉmtʉ memconmcoi?

ta yonghu ci ma’o’oyona mia, la totovaha ahoi hotusbukua to ’eema, homio, lamia(lamza) aesiesii at’ocʉ yupa to’to’usnu, la kiotokai hocino o’te smuhnu, e’vono lamia ngoseo, at’inghi o’a lamia(lamza) s’a ecvʉhʉ ci ’tohʉngʉ te lamia acʉhʉ na’no ’aveoveoyʉ.

zou ho lano yofna no mio, nahoeno uhto f’uf’ue, aothomʉ m’oyʉcʉ ho ta’hongi ’e aukukuyungu su, hocu aemʉ’au teoumcomco, ’ola teo’si mala  mais’a aucunu psoetiskou no cincinkoya ci congeoha ta ceoa, ma a’ʉmtʉ naa’no yonghu! zou ’ac’ono’so a’ʉmtʉ ’e nia’ucna ’omo yaa sʉptʉ cimo mav’ov’o ci yonghu ci congeoha.

ne noana’o ta fuengu, lahe hucocoveozai to toa’ho’ho’e cou, zou na a’ʉmtʉsi-- ’a latono’so fihto pahsʉsʉfta no noana’o to, yupa nananghinghia, yupho’eocʉ ho o’alato na’no measiksiki, lato ianan’ou acʉhʉ na’no ’aveoveoyʉ ho kokaekaebʉ ’e mito cono suezopʉ tamo yonghu ci ’oyonato-- “psoseongana”. na eni ma o’ala he peela ta’cʉ’ha no puutute.

我是莊家的Voyu，我家在阿里山里佳村的Yo’hunge，我們是屬達邦大社與安家是親家。我家有一位是啤酒肚的老人、漂亮的媽媽，還有阿姨的乾兒子Pasuya，他實在太愛到河流，所以叫他「水獺Voyu」。Pasuya喜歡玩火，大家都叫他「火焰Pasuya」。

我喜歡跟著叔叔，追循先人的足跡到野地散散步，阿公常說：「你是獵人，也是獵物，不尊重及不認識山林很危險。家鄉五月為採筍季，會依傳統相互幫忙，有換工或請工。我們依循先人訓晦，相親相愛，毎一個人都非常的快樂！