朗聲四起

ne noana’o panomosola noachi no fuengu ci conoemoo, uk’a ci mo nocmu’u ci cou,na aukukuyungu no emoo he, mo acʉhʉ mani’i ci ’e’evi.

conci hie, te emomcovhi ho toamimo ’o maameoi ta emoo tan’e, ihe teongasi to emoo namo tuyu ci ’o’okohe, ihe nana eutotaveiya to maameoi ho yainca, “honci mu tmalʉ nomo muni ho koio! koio, ’otes’a aha’o momaemaezo muni”. ihecu talʉa ta ’o’oko ’o ihe eutotaveiya to maameoihe, ko’ko micu mounumaica ’o maameoihe.

micu aomomane, mancimo a’ʉmtʉ tmalʉ tomo muni ho “koio! koio!”, ahoisi, ’emo tuyu ci ’o’oko ihen’a talʉa ’o ohe eutotaveiya to maameoihe ’aihes’a cumasa ’emo muni ci kuali, at’inghi mo siho muni, ohecu tat’oci  ’omo muni, a’vinano ohe cu ta’payo’a ’o ohe eutotaveineni to maameoihe, micu momaemaezo tomo muni ho “koio! koio!”, isi talʉi tomo muni ci kuali homo momaemaezo ’e ’o’oko, micu mei’usnu to emoohe ho tʉtpʉta ’omo cihi ci oko, ’omo yoso ci ’o’oko micu na’no smoyo ho totoefʉngʉ o’anamo smeecʉ’ho yaa’ei,ne mio,’aaʉlʉ esmi ’o maameoihe, ne mio o amo ta ’o’oko, isi aiti ’emo maica ci ’a’ausna mo na’no sʉ’no, micu titho to poyave ho teoca ’o kuali cimo tʉtpʉtʉ to oko, a’vinano isi hipupuya ’o fousi to kuali, maica mo’so agu sʉ’no, at’inghi maincis’a aha’o po’e hocu puku ’o ohsi hipupuya ci fou to kuali, micu toesoso ho pkaako ’o puku, taunona’vʉ tamo conoemoo ho ihe aiti,micu puku ’o kuali, osicu teongasi ’o ’oko ci si tʉtpʉta. ahoi ne mio, ohecula tos’ongki ’e emoo tan’e ho yainca kualiana. mo maica na hia tos’ongko.

留下三個孩子看家，臨走前交待，若聽到「koio  koio」的鳥聲音，不可以模仿。不久，屋外傳來「koio koio」叫聲，聽久了，不知不覺「koio koio」叫出來，外面的kuali就衝到屋裡抓住一個小孩。父母親恰好回來，就拿起刀子砍kuali，kuali身體卻變成一隻隻貓頭鷹飛走，被抓的小孩也被放掉了，大家就把這一家住的地區取名貓頭鷹之山，鄒族人命地名的方式，很有意義，讓人記憶深刻。