朗聲四起

A maaz a ludunan mais taunasianin sia kaililipuahin a lukisan mas ismutan tu tus’a tu masankalalaasin tu na cindiavin tu tu’i’in amin a tutut a hazaman siaan luduntan hai nau’in tu malunhalabin a dalahan mas manauaz tu bahlu tu pinainuk tu ulus at pahaulusan a lukisan mas pininhalab tu mavis’ikin tu laas tu sinpinanauaz mas dihanintan at pacipsian mas luumtan a ludunan mapimaupa mas na malistapang tu mal’angkuzu tu mamangan tu bunun saduan. Ung at, maaz a laas a idadaza siaan lukistan hai aizaang a masanglavang saduan at aiza a madiavin saduan at aizin a madanghas saduan. ung at, ka ukaang saduan a masasak tu manuhnuh tu laas saduan siaan lukistan. Pisbubusbus a dihaninan mais tu’i’ia a tutut a hazaman i na haiap a dihaninan tu inaiza habas a uvaaz a ukaas cina at minpacishuan.ung at, iskahuzas uvaaz tu,

Pacishuan pacishuan Pacishuan pacishuan

Masabah dau siaan tanngadah dalah

Pingkailasuun mas hudan pingkailasuun mas hudan

Mingkailas minkailas kikilim mas tamacina

Madumdum madumdum hudanan hudanan

Makuang a daan a na iskilim mas tamacina

Malsisiuh malsisiuh papashu papashu

Kusbabai kusbabai kikilim mas tamacina

Pacishuan pacishuan pacishuan pacishuan

A’aklas sia ’uk’uk at madumduman tu libus

Kusbabai kusbabai malsisiuh malsisiuh

Papashu papashu kikilim mas tamacina

aliduus tamacina sia kalapatan tu daan

manaskal manaskal manaskal pasisiskun

malsisiuh malsisiuh papashu papashu

manaskalin malsisiuh manaskalin pasisiskunin

ung at, mais maupatadau dau a uvaaz mais kahahuzas hai na macinpunu dau a pacishuan mun’apav kusbabai sia madumduman tu ‘uk’uk mas masisan tu libus.

尋找爸爸媽媽的螢火蟲童詩是作者以布農族人螢火蟲的故事引申而寫的一首詩，並且將布農族人的第一眼概念，其次是有關布農族螢火蟲故事中的擬人化在詩裡的表現。

再來，就是此詩直接引用布農族人陳述故事主角的觀點表現，而不是一般浪漫觀點。