Qabas ang sia melantangus tu memadadengaz a qansiap ten-a-an solopa ko mungunungunu mekikingna ka elnanepan a, mita tu Bununtuza ka minanaq i vali. Samuq is dusa qan a qabasdengaz a vali, laqbing minsuma tas-a ka vali, sanavan in a makussuqna tas-a ka vali. Kopaqani-an makanmabaqis a vali, uka maqmut.

Heza tu tastuqani-an, munquma ka tamatina, pala-un a uvaz-az haan qansal, pasapalan i quhalmesapa, pahilhilan i tavuk mapi-ita mapasabaq. Samuq is espatazun i vali ka uvaz-az a, min-uni sisiun musbai, mopa masmuav a vali tu mabaqisdengaz. Tinsu’nuqdengaz tudiip a tama, mulumaq miliskin tu na una-u-un a vali manaq, matkakiiv i izukdaing tu tas-a masuaz, tis-ama ki uvaz-az, katna-uni ki busulkavi, mataszip i tilasmaduq pihaan ima kuskus mudaan masopa haan insusuma-anvali.

Me-opa nenka haan Tonkusaviq tu ludundengaz ta mudaan, Talmadiadengaz nenka tu pensanan a inudadanan, dungzav in a uvaz-az a taldaukdauk taldaing, talmenduu in a uvaz-az a tu tona-ita. I-ita nenka tudiip maku-uni asik kanasing ispa-ia ki mabaqisdengaz a vali, sansuma in a vali, kakasngiv in a vali ka, siza nepa ki busulkavi, kitngaa matehunuk i vali ta,

mumuslu ka vali ka, kantulunan istaa matehunuk, imisqang tutuza ka sinpatehunuk a, tudiip in panaqun istaa, te’sikun a tas-a mata, muqalqal a buan panahaan nastu dalaq, ni-i in masinqal, mopa minbuan in. Mahau ka vali tu te’sikun a tas-a mata ka, sinapun a minanaq tu bunun a madamu, pihanun lepaz-ima sia tupa tu mavia asu tu manaqa zaku ki? Antalamun i bunun ta tu su-u ka silalaa esbaqis mapataz inaak uvaz-az, paaq pu-un minbaas saak manaq su-u.

Ma-aq tudiip a buan a, lusqa siqalmang, ni-i tu tupa tu na malkabaas, lusqa tupa ki bunun ta tu, ma-aq is mun-asang in a, taqu-av amin a Bununtuza tu asa tu matusuqtis i is-atusasamu, altupa tu ma-aq a na kuzkuza-un a asa tu lus-anan amin mapataz i babu, anis na mapasiza tu lus-anan amin, ma-aq is tinqazumu in saak a asa tu lus-an zaku, na toqumisak amu, na minmalalabas a mekikingna, ma-aq is tinkuis in a buan a ka-a tu katmang lus-an zaku ki na malatpu.

Kapimopa amin tudiip a Bununtuza ki isia buan tu sintaqu, tuza tu peskatudiip saam a Bununtuza matusasamu ka, toqumisan a minmalalabas kamekingna solopa ko.

古時候太陽有兩個，他們輪流出來，每天都是酷熱的白天，沒有夜晚。

有天，爸爸媽媽工作時把嬰兒放在田埂上睡覺，結果嬰兒被太陽曬死變成小蜥蜴。爸爸非常生氣，準備向太陽報復，他揹著大兒子，攜帶弓箭，往東邊出發。他們往山頂走，花了多年的時間到了山頂，大兒子已經變青年人。當太陽出來到比較接近他們的地方，他拿弓箭瞄準太陽，剛好在中心位置時射出去，打到太陽的一個眼睛，太陽就掉到地上，沒有亮光變成月亮。

太陽的一個眼睛被射瞎了，就問說為什麼射瞎我的眼睛？那個人回答說，是你先曬死我的嬰兒，我只是向你報復而已。

後來月亮對他說，你回去後要跟你的族人說要謹守傳統文化，無論做甚麼工作，先舉行慶典殺豬祈天儀式，如果我變圓了你們要舉行慶典，我會給你們祝福，讓你們生養眾多，我如果變細了就不要舉行慶典，否則你們會滅亡。祖先們遵行月亮的教導，所以從那時起布農族人得到大大的祝福直到今日。