朗聲四起

Heza dau qabas a tupa-un tu Sazu’su siin Qabizan, ma-aq dau ka Sazu’su ka, haan tupa-un tu Tilapatun ta mal-asang. Ma-aq dau ka tupa-un tu Qabizan a, haan tupa-un tu Ilitu ta mal-asang. Ma-aq a Sazu’su ka mopin uvaz-az tu atitikis tu bunun, mopa amin a lumaq tu atikis. Ma-un amin i qesing, maszang amin tu pindavus quu. Nai Sazu’su ka tangus tan-ali ki tupa-un tu Qabizan, ma-aq a oladingan i davus tu tahamis a pitmuzan i baqusaz. Tonalumaq in a Qabizan a, situnbakun i Sazu’su ka tuqlu ka, mudaan nenka munnata, sukudan nai ka hilav. Uu ka, kalatun amin a Qabizan i baqusaz, mataz amin a Qabizan. lusqa tatini dau ka Qabizan a miqumis. Ma-aq tu haip in ti ka, minbaas a Qabizan a tan-ali ki Sazu’su. Tataskun dau nai Sazu’su ka tunhondul a. Tonamisqang in a, ma-aq sia Qabizan a, tuktukun sia ta amin tanqapuhondul a, muqalqal in a hondul a, ni-i nai Sazu’su ka laktan i hondul ta, lusqa nenka manqanu patnasila-an dau haan tanbaaq Si’si ta. ita in nenka mal-asang.

Ma-aq a Sazu’su kun a, tutuza tu mananu maqansiap pasanpanaq, ma-aq is pakanai ta pasanpanaq a pinve-un ata tutupa, mopa maputis qan a nai ka, ni-i ata maqansiap tu duuq heza haan tanangaus tun a Sazu’su. mopa uka qan a sadu-an a, lusqa in ata tinquz-a kis panaqun in nai ta, ma-aq nenka kis tunqabin a uka sadu-an, mopa atitikis, tutuza qo tu makalaskas is kuzakuza ki.

Miliskin saak tu na ni-i ki, kapisingun nopa nenkun i imita tu madadengaz i, paaq pu-un tataqu ka madadengaz un tu asa kis mudandaan haan libus tu mananulu dau ki Sazu’su, ma-aq is tonadiip in ata ka, tisqa sanhapav mapataz mita, paaq pu-un, duuq is san pakada-an nopa nenka ki is-ataz tu halang a, paaq pu-un malatpu nenka min-uka.

從前有矮人和Qabizan。矮人住Tilapatun部落，Qabizan住Ilitu部落。矮人擺宴席邀請Qabizan吃，酒桶裝滿雄蜂，等Qabizan到達後就打開酒桶，Qabizan全被雄蜂咬，只存活一人，Qabizan為了要報復矮人，也擺宴席請他們來吃。矮人一起過吊橋中間，Qabizan砍斷兩邊吊橋讓矮人掉下去，但他們緊抓吊橋，所以只被溪水沖走，就在叫Si’si的部落定居。矮人善戰，因為個子矮，躲起來時，無法知道他們躲在哪裡，等到有人被箭射死才知道。大平原曾有矮人部落遺跡，只是不知為何消失了？