朗聲四起

Heza qabas nastu dalaq ti ka tupa-un tu Ikulun, maszang zami Bununtuza. Lusqa tu maduqlas tu bunun, heza-an i ikul. Heza haan Sinapal ta luak a maqtu laqeban munkunbu, minuti-un in a Bununtuza mundiip tantungu. Daqvisan a Ikulun a, asa dau tu tastupalangan a saang a ispalsiuq.

Ma-aq a sehaan Ikulun tantungu ka taqu zami tu: Masihal dau nai Ikulun a kat-asangan. mapisihal paka-un qesing, mapisihal paka-un titi. Musuqis in dau ka, tupa-un i Ikulun tu. ” Ma-aq is muqna in mun-iti ka, asa dau tu tupuzu, mopa asa saam maqabin ikul haan nusung.”.

Muqna in a bunun tantungu ka, tuza tu tangus nenka tupuzu tu muti-un, uu ka tudiip in nenka munkunbu, tuza tu manahip nenka tantungu-an zami ki, kapimopa inai ta tu sintupa tu asa tu tangus ang tupuzu ka tudipa-a in munkunbu ta, na mudaan in saam a, mapahadas nenka zami ki buqul siin i metulkuk, ikdadanun zami ma-un, tuza tu manahipdengaz saam tudiip tu mina-un..

 Ma-aq tudiip tu taqu-an zami duma bunun a, maqanuas amin zami tu tinan-a, masaa tupa tu hadasav ang is muqna in mun-ita, na asa nenka amin pasaqaal nai ta dau, na asa saduu tu maku-aq nenka tu bunun tu? Duuq maqtu minpakasihal i nai ta, san ma-aq is ni-i ka. Duuq san maqtu nopa minmavala amin, na manano-az diip a binano-az i mopa maduduqlas ang nai.

Ma-aq tu muqna in a bunun tantungu ka, tupuzu in dau ka, munkunbu in ang nai, heza ka matusqung uvavaz-az i Ikulun mapaka-un i titi. Tinsakbit a tian a, mataz a uvaz-az a, mopa ni-i ka Ikulun ma-un qesing, lusqa ma-un tahun. Mopa ni-i tu kintataki ka, mopin les-asan a laqeban munsila ka. Mahau Ikulun tupa tu, “Ka-a in amu ka Bununtuza mun-iti.”. Uu ka, taqdutan i unsung a u-unkunbu-an a, uka in a maqtu laqeban. Peskatudiip in saam ni-i in maqtu munkunbu haan Ikulun ta tantungu.

從前地底下住有長尾人，去過的人說環境很好，會招待族人吃飯吃肉。長尾人說，拜訪時要先大叫，因為要先把尾巴藏在臼裡，族人再次拜訪時，就先大叫才進去，他們很高興族人來拜訪。去過的人回來跟族人分享，大家都很羨慕，要求一起去，後來有人偷偷跟著，忘了大叫。長尾人急忙坐在臼裡，結果弄斷尾巴，長尾人罵他們說為何不先大叫？因有人害死小孩，長尾人生氣的說，你們再也不能到我們這裡，就用臼堵住洞口，從此，長尾人消失了。