朗聲四起

palisi na palisiyan i dekalr mu, aruwa lemipuc kana cau di panadam kana cau datu iyakuda. lriya na haremanan tu inuwadukan na cau mu, sadu diya idu na pinakapalisi. ini na palisi mu, na dekadekalran diya, ulra tu iyakuret da kakuwayanan. ulra na wakasayan miturus kana wariwari nanta iyavaaw na palisi. ulra na kurikadekadekalr kirekamelrimelri tu pinakapalisi. sadu na pinakapalisi di adi ta karuwa marengay peniya. nu ulra cau na pinamelri kanini na palisi mu, mualep ta kana kakuwacengan, ulra nu eman mu, muranak ta inta na samawan kema.

inta na Pinuyumayan sadu ta palalisiyan, na pinakapadangal na yaturusan na pinakapalisi mu, mau nadu na muwacalun di, na yawa ki’aruwa. nu penalalisi mu, na vavayan diya adi maruwa mudalrep, nu adi mu na ma’inayan mu, kamawan da iniyan da tu ika’a’inay, kamawan da kemiyacepa kana viruwa di nanta temuwamuwan semuveli kanidu na palisiyan. nu penalalisi ta kana katuhusan na dawa, na kurelrang diya na cau mu, adi kemakerang i ’uma di adi penapa’ing. nu kare’aniyan, adi ta mu’alra’alra kema. di adi ta musasavak datu ’uma da cau. penalisi ta kana mucalun di na kiya’uluwan, adi ta demadikes kana keriw.

nu ulra a minacay a cau i dekalr mu, inta na sadekalran adi ta mukakuwa i ’uma, temalaulep ta diya pida wariyan. nu yawa ta mucaluna, nu tu pa’ingay ta i dadalan da cau mu, marevuliyas ta madiyadi ta diya di,  pulawang ta di masalr ta diya mukuwa.

na ma’inayan na Pinuyumayan mu, adi kiyakarun da tinnun di adi venavaaw kana haramhaman i ruma’, adi maidap, adi cemacucus cemacapang da kavang diya. nu temuwakuca ta mu, sadu tu pinakapalisi, mau na vavayan na kuwarelrang da vulan di, mau na adi diya mivulan datu pinialrakan, mau na demadikes kana miayaalrak na cau, adi maruwa temuwakuca. nu temuwakuca ta kanta i savak mu, adi ta pusasavak remeca’ kana ’aresem na vuwa’ diya.

na malii diya mu, nu pacepa kapalisiyan adi kurarelrang mukuwa penalisiya, adi mudadalrep kana ipalisi na eman diya di, adi muwadalrep kana kuwaceng tu ikiyanacay. .

nani mu, mau nanta kakuwayanan na kapalisilisi adiyu diya, harelra kana muvalivalis lra na kakuwayanan mu, ulra na duma adi ta lra mitaturus.

禁忌是各部落的社會規範，有日常生活禁忌及特殊禁忌。人人都要遵守，以確保神明對部落的護祐。卑南族祭祀甚多，重大祭儀必徹底遵行禁忌，特別是狩獵和獵首等祭祀中不能接觸女性，否則對男子的尊威的褻瀆，更是對神明與祖靈的挑戰。舉行播種祭儀中，參加儀式的婦女禁止食肉、打噴嚏。經期或分娩的婦女，及接觸過產婦的人都不能釀酒、孕婦不能縫紉、孕婦的家人不能釘釘子…等。

部落習俗隨著時代不斷進步，原住民的生活態度可隨意而安。