朗聲四起

ulra a sasa vangesaran a zemazenga, a ’azi ziyan mingadan pakangaway mu, kuretalrased zemengazenga kietan zatu wavaawan. ulra saya wari kazu a tawki a trau makalrang kazu, tu pazengayaw kanantu trinawtrau intaw. mazazayar zatu wavalesan aruwa sakuzaw karakuwa nazu.

aruwa saliyusan piya lra kanizu na zenga zi zuwa izu na tawki melaka kanizu na zenga. muvasuk tu anger na kuwatreng zi, ’azi pukunueman kanintaw kana ’azi ziya mingadan, mareanger intaw, ini na zenga mu maw inku zi nu ’azi ku trima’i mu, kuwazu iniyan za trau za tratrima’. tawan ku kapazangalaw tremima’ awa? izu na tawki ’azi lra muwai veray za sakuwazu, tu kiumalray telu kuzulr nuy tratrima’anay? ” izu na vangsaran mu mazalram kaninia na tawki na trau ’azi muwai paturus kanantu pinazazayaran za ku wavalesan veray, kasa ilremes zi kemaarekez marengay “ ’azi ku tratrima’an. ’azi ku maranger kitaraeman kaninu. zi harem kana wari ’azi u miturus kananta kinuretan nu aidaidan pakakatras mutumakavetr’an kuzawan natu trima’.” kalikedan makavetra’an kuzawan! kemazu ku kana iniyan za anger tremima’ za makavetran kuzawan kanini na zenga? “ nu kuwazu mu alra mangangaraya ta! ” kema inia na zemazenga na vangesaran.

pakalrang kaninia nantu inukudayan likuzan lra mu, masalr maya’ za sinsi. nu ’uninan nu ’aremeng lra mu kemazu kemasurimet menadanadam, pakalrang za muketrep misama’ na ’ami kazu kana zemazenga intaw mu, maw na salaw mingadan lra.

izu na tawki na trau mu, kiruwaday kanizu na vangesaran tu kazazuwa wariyan mu, tu kalalupay lra izu na lremak. patari ulra saya wari nantu aliali’an mukuwa martrevutrevunga kantaw zi mumalr za, ali! ulra sasaya lremak a walra wa! kanini na pidawariyan mukuwa mi mena’uwa kanizu na salaw mingadan na zemazenga kanantu pinuwayar nantu zinenga, ulra sasaya tu zinenga kamawan kaninu, nantu pinupana nantu trima’ mu makavetra’an kuzawan. izu na zenga tu ikakuwa mu “ mala’es ” kema. kinger intaw, kamawan za kipangse’ za kawi, izu na tawki payas mianger kana aziyu ziya muketrep ’ami pakangaway, izu nantu ikakuda kana zemazenga. inia na lremak salaw panana kanintaw zi payas mukuwa maya’a kanizu na zemazenga, zi tu uwayaw sungalay, zi trima’ay lra za makavetra’an kuzawan izu na zenga.

有位青年，靠畫人像維生。一天一富人請他畫人像，約好酬勞一萬元。一星期後完成了。這時富人問：「三千元，賣不賣？」畫家說：「寧可不賣，今天你毀約，將來要你付出二十倍的代價。」畫家重新拜師學藝。十幾年後，成了一知名人物。 

而富人呢？把畫家忘了。直到有天，他的朋友來告訴他：「我們去參觀畫展，有幅畫中的人物跟你一模一樣，標示價格二十萬。標題是『賊』。」富人想起多年前的事。他去找畫家道歉，花二十萬買那幅人像畫。