朗聲四起

a aziyu ziya ulra kemazu a sasa a trau salaw kana madariw zi say tu piniemanan mu ma’ulid temulre’ay, ’azi demaadirus, ’azi kihulalehul, tu ngisnis mu tu pakalrawalrawayaw, i kantaw ruma’ i savak mu eman kakuwa ta lra marengay awa, ’azi mawmaw atu kavang a mu’udung kamawan za zenan. nantu ’a’atelr na eman ziya mu marsazu, i savak kantaw ruma’ kamawan lra kana ’ate’atelran, nantu eman ziya mu, ita’ta’ lra i iyan ziya, say nu uri kakayan ta mu, iniyan ta za kakayanan.

ulra saya wari mupana tu ali’an, zuwa veraya kantaw za salaw vulay sasaya pukasa vulay a ’aputr, intaw mena’u kanizu na vulay na ’aputr mu salaw semangal zi mareanger mu, ka’azi ku maya’ za papuwayan kanini na ’aputr na dalilr ku sedekanay kema zi, kazu kantu ruma’ i savak kanazu na kamawan za zenan na ’ate’atelran tu veliyaliyasaw maya’ parekazuwa wariyan zi tivus tu atrevungay a sasaya a papuwayan za ’aputr na dalilr, maw mu lritra’ peniya, tu tarsavsavay zi tu puwayanay lra izu na ’aputr, tatena’ lra pukasa kana vulay, zi mareanger za ku i papuwayanay i iyan na mi’aputr na dalilr nay? zi mareanger mu, maya’a ku za to zaku papuwayan. maw mu kanizu na to itras mu matemuy a eman ziya, iniyan za papuwayan.

a! nu kemazu kuwa tulre’ayaw parapetr midap, na amanan mu ku ’atelranay, kuwa tulre’ayaw i savak, nu kemania mu kirpauwa lra izu na ’aputr zi na ipuwa kanizu na papuwayan kana dalilr. izu natu ’a’atelr na eman ziya mu aruwa sapalizingnan, muvalis lra atu ruma’ nu mena’u ta mu kamawan lra kana vekal zi sadeku ta lra, say na vali mu nu mengad ta lra mu kamawan za tavu’ lra. zi tu kuwazuwaw lra izu na ’aputr na ipuwa kanizu na papuwayan kana dalilr tu tra’anay lra kana to itras. ’azi ziya mianger za kuani vulay atu ruma’ zi kemani kana ’inava.

maulep lra temulre’ay kana tu ruma’ i savak zi maranger lra kemayan temalaulep ziya, maw mu maranger kemayan azu mu, mena’u kana tu zazek na lritra’ peniya mu, nu kemayan ku lra i iyaiyan mu uri raranak kanini na kamanimani vulay na kaazuwan zi, mareanger za kuwa idapay temulre’ay aku zazek. zi kemazu lra mukuwa kihulhula tu kiskisay lra tu ngisngis, tu haretimay lra tu hamay, mukuwa lra hemuhuwa, mukuwa demirusa, zi padulun lra za kavang.maresan ku lra za pakavekal zi semenan ku lra, harem lra mukazalram ku lra za kirepauwa ku lra kanini na ’aputr.

ini na ’aputr maruwa venalis za maratrang parkudakuda na trau alra!

以前有個人非常懶惰邋遢，很少洗澡、頭髮不剪、鬍子不刮，他家的衣服堆的像山，垃圾多，東西亂丟亂放，連要坐下來也不知要坐哪。

有天，一位朋友送他一朵白色百合花，當他看見這麼漂亮的花朵，心想一定要找個花瓶插起來，在家裡找到一個花瓶，洗了乾淨，再把花插好，非常好看，這麼好看要放那兒呢？桌上堆滿東西，根本沒有位置放，乾脆大掃除，就這麼清了一卡車的垃圾出去，家裡變得清新舒適，空氣也變得特別的甜。

這時，他放下花瓶，想坐下歇會，發現自己這麼髒，坐到那兒都破壞環境，他想，現在也為自己打掃一番吧！就這麼剪了頭髮、刮了鬍子、剪了指甲、洗了頭、洗了澡、換了衣服。他覺得自己清新亮麗，跟這朵花非常的速配。

一朵花能有效地改變一個人啊！