朗聲四起

“ maranger ku mukuwa kanizu na marikatrakatras za saleman misama’ za saya na atras na ruma’! ” “ maranger ku mukuwa i Selinyēse! ” “ maranger ku mkuwa kanizu na kivangavangan i itras kana zanum! ” “ maranger ku mukuwa i ...”

kazi Vutrulr Yayu na palrivak na takesiyan temakesi kana pukaanem lra a muketrep misama’ za sasa na temakakesi, kauniyanan za upatratraranan mukuwa muzazangiya. nazu papiya maranger palralrepus pakangaway kanini na takakesiyan mukuwa kivangavanga kanantu zekalr ni Lilawse. nazu mapiyapiya ’azi mianger za mazayazayar mu markasemangal zi nantu rinangeran mukuwa mu marekasazu, maw mu tu yupaw nantu dadeer mu, na sasa trau mu adalrep lra sakuzaw, kazuwan na ’azi kararuwa pupatraran kanini na paisu.

ulra trau a maranger kipulralrang kana gokosiyo, maw mu, i Lilawse ’azi muwai. marengay intaw mu “ na paisu ’azi mutatani kemay rukup, naku anger mu, inmu na temakakesi kurtalrased kanamu kezang, zi parkipiyayu namu rinanger palrepus kanamu takakesiyan mukuwa muzazangiya. ”

maw izu na puteha lra i Lilawse mareanger, pakalikuzan lra mu na sinsi zi na temakakesi salrangan kemuret za na sasing, na zenga zi maw na vinavalrayan kani Vutrulr tu ikavavulay tu dawayaw za sa’etriv za valray tu niwananay parazuk kanantu paaisu. nu medek kana katalaulepan na wari mu, i Lilawse mu mada kanantu iveray na trau na kamēra, tu adayaw na temakakesi zi mukuwa maya’a kana vulay kaziyua i Vutrulr, tu siyasingaw. ulra na trau na zemenga kana maresan kana manto na zenan zi maw na maresan kana tedek na zenan yi!

nazu na temakakesi tu parelrawa’aw tu kiyakarunan zi tu parpukasakasayaw, mavangavang lra papiya semasasing venavalray za nana’uwan, pakalrang za pida ’ilras mu, muparekipiya lra kanizu na sa’etriv na nana’uwan na valray, kazu kana wanglu mukuwa paciyumung. ’inava lra na milramanan na wangyou salaw pulralrang, ’azi telu wariyan mu, tu par’araway mutrima’ izu na makanemen leman ’etriv.

kaanem ’ilras, nanni na temakakesi puteha lra kanantu wazangiyan za muketrep misama’ za lruwatr wariyan, sazu lra tu inada parvavuliyasen mianger zi maw nantu pinakalrangan, maruwa parkipiya kanantu angeanger.

蘭嶼椰油國小學生，想在畢業前，到李老師的家鄉玩。越討論越多地方想去，每人的旅費近一萬元，學生拿不出來。有人想申請補助，但李老師希望學生能靠自己完成夢想。最後師生共同決定以照片、圖畫和文字來記錄蘭嶼之美，做成手札來籌募費用。大家分工合作，完成了蘭嶼小朋友的人文手札，在網路上開放預訂。網友不斷轉貼，不到三天，六百本手札就搶購一空。

六月來臨。學生們展開十五天的旅行，帶回很多回憶和體驗，實現了自己的夢想。