朗聲四起

inpis ay ussiq tepuluk, ussiq nani pasanu, ussiq nani semanu, ussa wanma maqezi ta nipaseka na patudan paseking, simsuqasan na kaput temaqsi qaya, yauqaya simsuqas tu naqun nisinanaman, maken mesuppaR uu qemuni. maqetuRpus na tepuluk azu ti sasuRena tangi, qasuppaRan ta ti mai pisapatan waway ta setangi, qawman qaRebuan na anem, pazakenan ta anem ta patungayaw, azu mai satawaR yau kitut Rebingaw su, pasi pasani ti qenalisawan Raynguan su, temuzus tu mulepun sumking, mai ti ita tu uRuRat. ngid ita ta sekingan mala tu qasinanganan, nizu pitemawaR naquni waway su sinanam seRay nisapun su tu saqasuppaRan, naquni su sumking qenian. matazay tu meRayngu ay qawanay aisu pasasaya tu naqunian qawka qanengi, mai tu lazat paqayaw, mai tu qapalanan qayau lazat manmu, tazian ta sekingan zau, yau a kaput su temaqsi ezan ti sasimsuqasan su ay lazat.

mulepun ti sumking, tuRuz na naquni, sudadan na patudan tu tebaRi ay tamaq na yencepi temulis pasimqena. mala tu sinangan ti ay, ta zau ussiq inpis ay tepuluk nisazemakenan ti ay lazat, qaRebuan qalizaqan ya lazat ’nay, qusazui wanma aizipna situngus tu mala tu nisazemakenan ti ay nangan. mai mala ay lazat, ta zau ussiq inpis ay tepuluk qaniz ti sakapid sakisasa tu busaR ay baquy, qusazui nangan su tazian wan ti ma azu zau busaR ay baquy Raysengaz. qasuppaRan, yau mazemun mai maqayta na ay nani, maken ay imi na sumking, ussa nitayan ta tu tinsu, qaninanan ay nani mesuppaR tu naquni nisinanaman, qenian utani qenasuppaRan, ussa ussiq nipaskan azu mesuqas ti isu, mai ti ngid padames muman sinanam, mai kasianem tu manna mesuqas, mai mala tu sinanganan, ta qenabinnusan ta muwaza pama ya Raya ay, kitut ay, tatezuma ay sapaskan, sasekingan melana timaisuan matiw maska, sumking, mai ta kalingun tu sanu zau, temuzus tu utani tasaw qenabinnus ta temuzu tu tayan nisinanaman ta, tiana mesuppaR temuzus tu tuRuz na qanaquni? pasi tuRuz na padames nengi padames muwaza qenasuppaRan su tu qaRaya nisinanganan.

一張薄薄的紙，一個問答的戰場，是師長的測試、同學間的競爭，也是實力的考驗。紙上冰冷的文字讓人感受到重重關卡，必須沉著應對，要想得到勝利，必須靠平日的學習與積累的知識。

當考驗結束，試卷會被紅色筆墨加以裝飾，拿下勝利者，這張紙將成為榮耀的證明。對失敗者而言，這張紙就成為一面充滿傷痕的白旗。 然而，常常被忽略，考試並不是人生全部的分數，人生還有各種試驗在等著去闖，所謂活到老學到老，誰知道最後的勝敗？