朗聲四起

pitemawaR qangid tanan temaqsi, siangatu ti melana kaput sudad pa tu niana ta Ripanan, azas pa tu niana temawaR, qangid seking tu niana? padames qaninnanan ay nani temanan si niana satunuRan na patudan tu sasudadan, utani sasudadan padames qaninnanan qaya, azu muwaza sasudadan qakiya ti dukian mawRawRat, padames ay nani mai ti tu saqawRatan, muwaza dames sasudadan qangasan ti maynep qaya.

Rusiangatu, Raynguan niaq manna muwaza nitunuR na patudan tu sasudadan temanan, nikasianeman niaq nani pasi mai pa imi azu mawRi ti mawRawRat, yau qaya, azu hibang tu utatani deddanan, padames muwaza sasudadan, padames RateteRaq ussa pisapatan semudad qanengi ti, semudad tu sasudadan ussa wanma samangsa tu hibangan niaq, yau qaya semudad qinunungan tu sudad semudad qanengi ti, azu sasabidangan ay ussa wanma semudad tu utani nisabidangan, matazai tu Rayngu sabidangan ay, mai tu mesuppaR ay, mai tu saipilan lazat, maken mezepzep ya anem, yau qaya sudadan tu salipayan semudad qakelisa ay cuci(週記), ta nikasianeman ku nani samangsa tu duki ay sasudadan, yauzuma wanma temayta tu niana sasudadan pilayan ti na anem.

yau ussiq deddan, paqangian ya na imi semanu na patudan, manna muwaza nitunuR na tu sasudadan temanan, saqayaw nani ussa maytis tu melaziw ti dames niqawRat niaq, saqazusa nani temanan muwaza pa nisinanaman, nayau siqatatani muman sinananam, padames pa nengi nisinanaman niaq, padames pa metineng ta uRuan mai pa makalingun nisinanaman, sumking azu pa tu butbut maqeuRu mezukat nisinanaman qenian, qasimunang qatuRiyas suppaR semudad sumking, maken sumking iku tu sasabidangan ta leppawan siqatatani iku sabidang mai melakid nisabidang ku, tuRuz na qawka melaqid ti nisabidangan ku, timangu sumking ti nani maken yau mezukat niumanan ku sinanam sabidang ay, yau pama ta uRuan ku mai makalingun, semanu patudan mai pisapatan ay sabidangan wanma aiku melaqid ay nisabidangan.

unnay qawka iku mesuppaR manna muwaza nitunuR na patudan tu sasudadan temanan, unnay siangatu, malemes ti iku mai ti kasianem tu pilay semudad tu sasudadan temanan, qawqawman nayau, setangi deddanan padames muwaza sasudadan temanan lubingaw ti uRu ku temayta, qasuppaRan paqayaw anem na patudan.

每天放學前，同學們就等待黑板上寫明天要帶什麼、要考什麼？作業多寡對學生而言很重要。作業一多，玩樂時間就會減少。

我們不了解為何要寫作業，只覺得老師不讓我們玩，放假愈多天作業愈多，遇到做不出來的數學作業也找不到會做的人，還要寫週記。

老師告訴我們為什麼要寫作業，一是讓大家不玩過頭，二是為了讓我們對於所學的課程更熟練，更不容易忘記，考試時平常所練習的會像泉水從腦袋裡湧出怎麼作答。的確在考數學時，數學作業裡面最難的那題，全班只有我答對。