朗聲四起
113 年全國語文競賽臺灣原住民族語言朗讀文章 【噶嗎蘭語】 高中學生組 編號 4 號
sasudadan
pitemawaR qangid tanan temaqsi, siangatu ti melana kaput sudad pa tu niana ta Ripanan, azas pa tu niana temaqsi temawaR, seking pa tu niana temawaR? padames qaninanan ay nani temanan niana satunuRan na patudan tu sasudadan, utani sasudadan padames qaninanan qaya, azu muwaza dames sasudadan qasukaw ti mawRat, qangasan ti maynep.
Rusiangatu, Raynguan niaq manna muwaza nitunuR na patudan tu sasudadan temanan, nikasianeman niaq nani pasi mai pa imi azu mawRi ti mawRawRat, yauqaya, azu hibang tu utatani deddanan, padames muwaza sasudadan, padames RateteRaq ussa pisapatan semudad qanengi ti, semudad tu sasudadan ussa wanma samangsa tu hibangan niaq, yauqaya sasudadan ussa qinunungan tu sudad semudad qanengi ti, azu sasabidangan ay ussa wanma semudad tu utani nisabidangan, yau Rayngu sabidangan ay, mai tu saipilan lazat, maken mezepzep ya anem, yauqaya salipayan sasudadan tu kelisa ay cuci, ta nikasianeman ku nani samangsa tu duki ay sasudadan, yauzuma wanma temayta tu niana sasudadan pilayan ti na anem. yau ussiq deddan paqangian na imi semanu na patudan, manna muwaza nitunuR na tu sasudadan temanan, saqayaw nani ussa maytis tu melaziw ti dames niqawRat numi, saqazusa nani temanan muwaza pa nisinanaman, nayau siqatatani muman sinananam, padames pa nengi nisinanaman numi, padames pa metineng ta uRuan mai pa makalingun nisinanaman, sumking azu pa tu butbut maqeuRu mezukat nisinanaman qenian, qasimunang qatuRiyas mesuppaR semudad sumking, maken sumking iku tu sasabidangan ta leppawan siqatatani iku sabidang mai melakid nisabidang ku, tuRuz na qawka melaqid ti nisabidangan ku, timangu sumking ti nani maken yau mezukat niuumanan ku sinananam sabidang ay, yaupama ta uRuan ku mai makalingun, semanu patudan RateReq ay sabidangan wanma aiku melaqid ay nisabidangan. unnay qawka iku mesuppaR manna muwaza nitunuR na patudan tu sasudadan temanan, unnay siangatu, malemes ti iku mai ti kasianem tu pilay semudad tu sasudadan temanan, setangi deddan padames muwaza sasudadan temanan lubingaw ti uRu ku temayta.
113 年全國語文競賽臺灣原住民族語言朗讀文章 【噶嗎蘭語】 高中學生組 編號 4 號
作業
每天放學前，同學們就等待黑板上寫明天要帶什麼、要考什麼？作業多寡對學生而言很重要。我們不了解為何要寫作業，遇到寫不出來的數學也找不到人可以問。
老師告訴我們為什麼要寫作業，一是不讓我們玩過頭，二是為了讓我們所學的課程更熟練，考試時平常所練習的會像泉水從腦袋裡湧出怎麼作答。的確在考數學時，全班只有我答對。這時我才知道寫作業有多重要，從此我再也不會抱怨寫作業了。儘管如此，今天的作業還是多到我都昏了頭！
文章資訊
文章年度
113
文章編號
4
文章組別
高中
文章語別
噶嗎蘭語
族語標題
sasudadan
漢語標題
作業
文章作者
潘秀蘭
漢語摘要
無