pitemawaR mai iku muqalamaz maynep, pataz melaziw ti tu Rabetin dukianqawka iku metuRuz, azu tangi siqulin ta qinpanan labesilan. azu deddan unnay mai iku pilayan tu mai ti tu uRat, mai tu qalabutan ay sataqsian sudad, padames mai ti mala qaynepan, Raqana, tamaikuan qalaydawan ay nani qaynepan.

kasianeman ku pama yau ussiq tasawan deddan na bulan, menunu ya hibangan, temanan munna ti tina sa kalingku, aiku seRay ti tina ezan ti imi simsanu, hibangan na deddan unnay zaqis pa iku tu semuRap ay gasuling temanan sa kalingku, ta ngayaw na hibangan deddan, azu iku tu pitemawaR mai tu niana qapilayan, mai iku matazai tu qataRawan na uRu ay lanas, melilizaq inengat anem ku temanan, maseq tu leppaw mewazing ti iku tu Ribang na qatiw sa kalingku, sangian ku ti duki qumni qasuwatan, qangid suRap masuwat zaqis tu qitun, ta qaRabi ngid iku qalamaz maynep uwalu dukian maynep ti iku, wanayka pawRat iku ngid qaynep mai mala qaynepan ku, temuzus tu Rabtin yau ussiq dukian siqulin, kasianem iku qasukaw senazau zin na anem ku, tangi qaRabi azu mai mala qaynepan ku, pasi qatuzus tu taRbabi usepat uu ulima dukian qawka maynep,

nazau pasi qatangzasan qalaziw ti niqaynepan ku, munna meRasa tu paya na gasuling melaziw ti qawalinan ti, ussa pisapatan meRasa ya paya na gasuling, azu ngid uman Rasa tu tasu ay paya pasi mai ti tu qadedan, samangsa ti tu hibangan qaya.

tuRuz na, masuwat iku undu, maska tu qapilay pa ita tu kiya zin ku, qeman ti iku tu kiakiya qaqanan, mai pa sebian mai ti mala qaynepan, mala iku tu pitemawaR temaytan ti tu sudad ’nay metuRuz ti iku, maska pasi qaynep iku, wanayka manna semani, pitemawaR temayta ti iku tu sudad zau maynep ti iku, unnay qaRabi temayta iku padames nengi waway ku, temuzus tu taRbabi ulima dukian siqulin ta qinpanan mai tu qaynepan, kasianem iku qangi ma masuwat, mezaqis ti iku tu qitun matiw sa teqezan na gasuling. matiw iku ta teqezan na gasuling ta pabaliwan tu sataRbabian ay tiyam meRasa tu saqanan taRbabi, temawik tawki na pabaliwan tu sataRbabian ay timaikuan, semuRap isu! pammeng ma iku metawa, mai iku semanu tu ussa iku semuRap, maqezaq ay nani mai labesilan iku, pasi tenes ti iku mai matiw sa kalingku, sizengue ti iku tu kalingku seRay bai ku senayau ti.

我平常都晚上十點過後才想睡覺，如果那天沒有用掉很多體力，就更不容易睡著。

有一年中秋節是連續假期，媽媽先回花蓮，我約好放假第一天搭最早的火車回去。假期前一天晚上，我整理好行李後在晚上八點躺上床，但我怎麼都睡不著，躺到十一點，我心想今晚肯定要失眠，如果熬到凌晨才睡著，可能會睡過頭，車票就沒有用了。於是我稍微做點運動，又吃了一點點心，選一本平常看了就想睡的書來看，試著增加睡意，說也奇怪，越看越有精神。

我躺到五點仍睡不著，乾脆起身前往車站。在車站旁邊買早餐時，老闆還對我說真是早起！我不是早起，只是睡不著，可能是我太久沒回花蓮，很想念花蓮和外婆。