Rabtin yau ulima ti tasaw na suani ku, ta leppawan wanma aizipna kaput ku mawRat, qalizaqan waway na mai ma qumnut, nizu midayan zin na anem na, azu maken melisaw nisikawma su suppaR pibud, sikawma timaikuan ta aneman na azu ussa qaqa aiku, ta leppawan qawman suani ku qalizaqan niaq saleppawan.

nayau pitemawaR yau ta qatian kelawkaway tama tina, yauzuma melipay hibangan tu uzusa deddan mai hibang, yauzuma tuRantuRabi qawka temanan, aiku seRay suani ku pataz imi kinnausa pasaya tu saqanan saRabi, niana saqaRabian ku qeman, kiya ma tu kiya zana, wanayka qeman ti saqaRabi, antangi ngid ti qan tu qaqanan aizipna, masulun iku timaizipana kemilim meRasa tu qaqanan, meRasa nani deddan ’nay naquni anem na ’nay ti Rasan na, mai mepili tu qaqanan, yauzuma wanma kukuy Rasa na, yazuma meRasa tu nican ay ’si na taquq, Raqana meRasa tu qaqanan Rayngu iku ngid patadu meRasa, taytan ku mai missi qeman meRebu iku.

qawRatan na ussa wanma meRasa tu muwaza satetepikan tepuluk, tepik tu senalazat senaqudus senabawa’ senahikuki, yau qaya qaRetutan ay qenaliman na, temayta tu sudad mezamet tu cungkuciye, mezamet kitut ay putit, kitut ay pulaw, kikitut ay sapaqawitan, yazuma saqemadanan uu saqabian mezamet, nizametan na azasan na sa kalingku ta linengan na leppawan na bai ku puniR nipaqawit na, suppaR matik qaya, meRebu iku tu qenaliman na suani ku, melaydaw tina ku tu qasukaw ti mata na, semanu tu suani ku naRin metennes semangsangi tu nazau ay, meRebu tina ku tu qenaliman na suani ku qaya, ngid sinanam tina ku mai meRasi.

wanayka naRin temayta tu nazau, melusit ussa ti melilimek suppaR sanuan, ta yuceyenan nani, sazemaken aizipna tu nengi uRu na nitaytan na ti mai ti makalingun, puzin tu patudan suppaR aizipna paqenanem temanan sa leppaw, timangu mengangaw ti, meRetut tu maytis qunian ti zin na pinileppaw seRay patudan na yuceyen, tuRuz na pakalan na ti na tayzin, yau qaya, nizi ta taqsian temanan temaqsi paazasan tu kaput temanan taqsian aizipna, timangu mengangaw aizipna niza na ti mazas ya kaput na temaqsi matiw sa tanem, ta qatian qaqaytisan pataz qangangaw aizipna. sumking temaqsi mai tu qasanuan qaRebuan qaya, temanan sa leppaw mai azu aiku malemes temayta tu sudad, wanayka nengi niseking na. yau nazau tatezuma naququni ay ya qenaseRuzan na, melizaq iku sisuani timaizipana.

我妹妹今年十五歲，是我在家中唯一的玩伴，她個性活潑又不拘小節，有時對我沒大沒小，不過在家還是很受疼愛。

爸媽在外工作，每天很晚回來，我們常自己處理晚餐，正餐吃完後她就想吃零嘴，我就要陪她出門買。不論棒棒糖或炸雞排她都能吃，想到她吃不胖的體質，我有些羨慕。

她有一些意想不到的手藝，她會看書編中國結或小掛飾，一編就是一整天，她還帶到鄉下掛滿外婆家牆壁，那巧手讓我佩服，但媽媽擔心影響她的視力，規定妹妹不能花太長時間做手工。

她出門也很頑皮，她幼稚園時和老師保證會自己走回家，結果迷路了，讓家裡和幼稚園驚慌失措，直到被警察找到。以及她擔任學校的路隊長，但因自己了路，把整個路隊帶到墓園去，她是隨時會迷路的小迷糊。她的成長經歷很豐富，我也很高興有這個妹妹。