朗聲四起

qaRebuan ya suani ku, Rabtin yau ulima ti tasaw na, ta leppawan wanma aizipna kaput ku mawRat, qalizaqan waway na mai ma qumnut, nizu midayan quni zin na anem na, azu maken melisaw nisikawma su suppaR pibud, sikawma timaikuan ta aneman na azu ussa qaqa aiku. ta leppawan qawman suani ku qalizaqan niaq saleppawan.

nayau pitemawaR yau ta qatian kelawkaway tama tina, mai ma hibang, yauzuma tuRantuRabi qawka temanan, aiku seRay suani ku pataz imi kinnausa pasaya tu saqanan saRabi, kiya ma niqan na, wanayka, antangi ngid ti qan tu qaqanan aizipna, masulun iku timaizipana kemilim meRasa tu qaqanan, meRasa nani niana qangidan na anem na deddan ’nay, ’nay ti Rasan na, mai mepili tu qaqanan, yauzuma wanma kukuy Rasa na, yazuma meRasa tu niRamazan tu siti na tamun ay ’si na taquq, Raqana meRasa tu qaqanan Rayngu iku ngid patadu meRasa, taytan ku mai missi qeman meRebu iku.

qawRatan na ussa wanma meRasa tu muwaza satetepikan tepuluk, tepik tu senalazat senaqudus senabawa’ senahikuki, yauqaya qaRebuan ku ay qenaliman na, temayta tu sudad na mezamet suppaR ti aizipna, mezamet tu kitut ay putit, pulaw, sapaqawitan, yauzuma saqabian uu saqemadanan mezamet, nizamet na azasan na sa kalingku puniR nipaqawit na ta linengan na leppawan na bai ku, qaRebuan ya qenaliman na suani ku, meRebu tina ku tu qenaliman na suani ku qaya, ngid sinanam tina ku mai meRasi, wanayka melaydaw tina ku tu qasukaw ti mata na, semanu tu suani ku naRin metennes semangi tu nazau ay. ussa nazaw ma, melusit ussa ti melilimek suppaR sikawma aizipna, ta taqsian sazemaken aizipna tu nengi uRu na, nitaytan na ti mai ti makalingun, semanu tu patudan suppaR aizipna paqenanem temanan sa leppaw, timangu mengangaw ti, meRetut maytis ti ya pinileppaw, yauqaya, nizi ta taqsian temanan temaqsi paazasan tu kaput temanan aizipna, timangu mengangaw aizipna nizan na ti mazas ya kaput na matiw sa tanem, ta qatian qaqaytisan pataz mengangaw. sumking temaqsi mai tu qasanuan qaRebuan, temanan sa leppaw mai azu aiku malemes temayta tu sudad, wanayka nengi niseking na, melizaq iku sisuani timaizipana.

妹妹今年十五歲，我在家唯一的玩伴，她個性活潑又不拘小節，有時對我沒大沒小。爸媽在外工作，每很晚回來，我們常自己處理晚餐，她正餐吃得少，一下子就要吃零食，她怎麼都吃不胖，我有些羨慕。

她的手藝很棒，她會看書編中國結或小掛飾，一編就是一整天，媽媽擔心她的視力，規定妹妹不能花太長時間做手工。她在學校擔任路隊長，把整個路隊帶到墓園去，她對路是個小迷糊。她的成長經歷很豐富，我也很高興有這個妹妹。