朗聲四起

ononongan o kavavatanen no kakwa do pongso am, ya ni mingaranen so karam a among.

no ka liklikey ko am, ikakza ko ononongan na ni ama a kavavatanen do pongso ya, kowen na ni ama am, no macivan do tatala am, amizngen o bacikavangen a tao, no jika amizngen o circiron am, ipanci da no rarakeh am, manginanawa ka.

o kavavatanen na no karam kano kalwalwang am. no kakwa am, amyan so sakamahatawo. yarow o mania kano totoo akano lapik do sakamahataw, amyan so ino kano kois akano karam do sakamahataw, o kavavatanen am, ipanci o karam kano lapik.

karam kano lapik am, nyapya na sirariya mikagagan, apya o kakawan dang am, apya a mangay mangna. ipisa do kasaraw am, maniring karam do kagagan na am, mangay ta mikavan a mangna. “ noon ” kowen na no lapik, ka palolo da rana so otwan da lomwas.

ji pangay do mararaw am, maniring o karam do lapik am, “ mo kehakay, manngo si ciaikowa ya, apia rana o kakan ta rana so otwan ta ”. maniring o lapik am, “ yapa ji araraw ya, so ji tapangani so otwan ta ”.

o karam am, jinamtadan a ipanci do kagagana na. o lapik am, jinamizinga o karam, teymakcin rana o karam am, ori to rana ngani so otwan na no karam. nimamimin na rana otwan na no karam am,  makcin pa o karam. kowen na do kagagana a lapik am, “ apya kanen ko otwan mo? ” am ji na apya a no lapik. to na ngotngoci rana o tatala da no karam, a katoro na no tatala da.

matoro o tatala da am, mipeyparo o attaw do sahad no tatala, torananed o tatala da, o lapik rana am, to rana nalap. o karam am, to na macined do tatala.

mownay rana am, karam rana am, to rana mingongyo da among do kalilyan, ori o niyapowan no ngaran no among do kalilyan.

o kavavatanen tamo do ponso am, ori ka bakatengan so asa a among, mingaranen so karam.

蘭嶼魚類豐富，其名「老鼠魚」，在口傳文化中，有一段傳奇故事，源於古老傳說，承傳文化之一。古老小島，居住種類繁多動物。某天，老鼠向小鳥提議，「天氣棒，一起釣魚吧!」小鳥欣然接受，乘船出海釣魚。海上釣魚的老鼠與小鳥，未到用餐時間，老鼠肚子餓，吃完餐點後，不顧小鳥勸導，老鼠啃食船板。船體破洞，小鳥飛走，老鼠與船沈入大海，最終，老鼠變成老鼠魚。蘭嶼口傳姑事蘊含珍貴文化，奇妙口傳文化，是珍貴文化記憶。