朗聲四起

amian so asa ka ili do poson. ikakza da no kakanakan mangay do vanwa mialalam kano miawawat, amian so tomokto do wawa, amian so mialalam so vato, imasaray sira do alalam da. do asa ka araw am, amian so asaka kanakan, ni mapalolo so mavaw na milawat do taw. koman do mararaw rana am, ni makasta so likeya kalang do kakawan, ikarilaw na o likeya kalang no kanakan am, kangey na do vahay na no likeya kalang, katopsan na no likeya kalang, na ji aniaheyan o kanakan, pananalaen na o kanakan, masengen rana o kanakan am, ka pakan na sya so mavaw na.

mownay rana am, do sia rana mi kagagan o kanakan kano likeya kalang. mangday so ararow macialalam sira do taw, aka pakan sia. noya mahep rana am, na ka moli no kanakan do vahey na.

kadadayan na so vehavehan nam, arako rana o kalang, ato mipagolang o kanakan. ilanan da no nyapawan na, ikong naigolang ni kowa ya, do ya koyakoman so mavaw?

araw no mararawan, omwomwozib sira, macilolo do anak da, karahannam masta da o anak da mapakakan so rakwa kalang.

masngen rana do mararaw am, moli rana o anak da, kapangab na so otwan na mangay do taw, ipakan so rakwa kalang. kalahen nam no kanakan am, jinakala o rakwa kalang, tawagana am, jimakowbot o rakwa kalang, abo o mastasta na a avong na.

naknakmen no kanakan am, tona nakem o nyapawan na, tovoing si mangayo do takey, ori rana kapalayo na mangay do vahey da.

kavalivaliyat na so irirayan no nyapawan na am, amian o niyakakan da totowang no rakwa kalang, to rana omlavi o kanakan.

o kanakan am, toranangay do taw, mikai do nyapwan na, mangai omes so kataotao na.

某天一個小孩在海邊遊戲，接近正午時，準備享用午餐時，眼前出現一隻小螃蟹，小朋友取出從家裡帶來的食物餵牠。

小孩及小螃蟹建立了友誼，一同玩遊戲，還會忘記返家時間。

小孩每天都從家裡帶食物到海邊，起初，父母親沒有起疑，小孩餵食小螃蟹時，也忘了自己要用餐。

數月後，小螃蟹變成了大螃蟹；小孩逐漸消瘦了；父母親起了疑心，小孩為何愈來愈瘦？

小孩回家，帶食物到海灘餵食大螃蟹。遍尋不著，想到父母親反常的作為便返家，翻開床鋪，發現大螃蟹的殼，小朋友非常的悲傷，對大螃蟹非常的不捨。