朗聲四起
ononongan da kavavatanen no kakowa pa, amian so manrakep so kanakan a tazokok, mivahay sira do takey, no macita da o maveyvow a kanakan am, mangey da rakepen, ori ji da mapaloloi so kanakan no mangay sira do takey o rarakeh, ta ikalaw da sira rakepen no tazokok.
amian so mingaran Si Lovong a likey a mahakay do ili, abo o kakteh na, no mangay do wawa o ama na, aka no mangay do takey a mangali so kanen da o ina na am, toda veyveyvow Si Lovong do vahay da, ori o karilawan da nia no niapowan na.
ipisa do araw am, nilomwas rana si ama na ni Lovong aka ni maran na do wawa, lapowen na rana o kangay na do takey ni ina na, maniring Si Lovong am, mo ina, macieza ko jimo a mangay do takey an, ta mangay ko pala milingalingay do kawakayan an, manireng si ina na am, yamian do takey so manrakep so kanakan a tazokok, ori ji mo maciezai jyaken, ta manginanawa ka kowan na no ina na, mamizrng na ni Lovong o ka ji na raran sia ni ina na do takey am, to rana lisna do teyrahem a omlavi Si Lovong.
to mipakarang rana o araw, mipalakot rana sira o tao do ili a mangay do panisibowan da, jipa nimowring Si Lovong, ikarilaw ni ina na Si Lovong a tolavi am, maniring am, ji ka rana lavi, ciaha ta macilolo ka jyaken do takey, am nosi mamizeng mo o tazokok am, ji mo ngineynarai, ta toktokan na o mata mo. miratateng am, mowring rana Si Lovong, ta katoposan na o cireng no ina na, alaken na rana si Lovong no ina na a somibo do takey.
miratateng am, moli rana sira miina do vahay da, o nivozwaw no ina na a tazokok am, nimanara so karowan no tazokok a mangay komala so kanakan, amian sira do teyngato no ili no tao am, macita da o tao a miskakarilaw, ipanta da o abo so kanen a keylian da, maoyat sira a mivazay, manireng o neyrakeh a tazokok am, mamlis tamo rana so nakenakem, ji tamo rana manrakep so kanakan, ta makarilaw sira, nimacipinda no kanonang na, ka ji da rana manrakepan so kanakan no tazokok..
很久以前，地瓜園住著一群會攻擊小孩的tazokok。有個叫Si Lovong的小男孩跟著媽媽上山到地瓜園，Si Lovong聽到躲在草叢裡的tazokok叫著，「嗯！嗯！tazokok！」Si Lovong學著叫，媽媽阻止他，並拿起地上的木棍驅趕tazokok後離開。tazokok回去帶了十幾隻同伴要去村子報仇，看到人們互相幫助、勤勞的樣子，tazokok深受感動，決心悔改，不要再傷害人類的孩子，成為善良的鳥。
要有正面良善助人的心，做錯事情要懂得悔改，才會感受人生的快樂，找到生命的價值與意義。