朗聲四起

paSta’ay koSa’en noka SaySiyat Sapang ’ima sobae:oeh ka kaspengan. roSa’ tinal’oemaeh monhael paSta’ay. lampez tinal’oemaeh monhael somaton koSa’en ’ima sobae:oeh. ’am pakSekla’ hi koko’ ta’ay komoSa’ Sahpi:ih 10 tinal’oemaeh SaySiyat ’okay tae’aes haysiya ’ima paSta’ay.

tani kinrowaSekan kapaSta’ayan rape: roSa’, Say lamsong Say Sa:wi’ rima’ rareme:an paSta’ay. Say kilapa: raroton ray tapa’yamay paSta’ay. ray kilapa: 6 kapakSa:o’an. titiyon 1, tawtawazay haeba:an 3 kapakSa:o’an, kaybaybaw 1, hayawan, Sa:wan kamlala:i’ ki botbotol hini 4 Sinrahoe’ ma’onhael pakSa:o’. So: somaton ila hayawan kamapama’ ka sinaton nonak pakSa:o’.

Say Sa:wi’ hi baki’ ’itih a kalih komoSa’-- “kakhayza’an tawtawazay haeba:an o wa’wa’isan ’isa:a’ titiyon pa’alowa’ komoSa’ ’ay rareme:an, tawtawazay ki tataysi’ wawa:ih pama’ ka sinaton, Sayna’ase: kamarara’et.” tabin haysani. ray kilapa: kamapama’ hayawan. minrakeS ki botbotol roSa’ Sinrahoe’ kamaromara’et ka sinaton. ha:aw ray kilapa: noka titiyon tatini’ hi baki’ ’oemin manabih komoSa’-- “ kakhayza’an hinaw, titiyon ta’ameten noka kak’ayeh. ’aehae’ ila nanaw ka tatini’. powa’aw ila?

kayzaeh hayawan mobe:ay ka kabina:o’ hinra:iy kala titiyon, titiyon kita’en ila ka minahael. titiyon ’am ma’alo’ ka ’inkaeholan, soma’oe’ roSa’ ka minkimayan ’ini hayawan. So: ’am somaton ila halayen ray sinaton babaw. ’isa:a’ So: ’ina papoe’oe’ ila. tinotatini’ noka hayawan maraS ka ’aza’ rima’ ray’in roma:ol ka minrakeS, homabos ka tatini’ nasiya komoSa’ wa’ila kilapa: tatilhaehael. botbotol ma’ hingha’ ’am roma:ol.

sinaton noka ’ima ’inaro’ ’ima lihih ka raromaeh ray sas’el lotoron ka ’ae:aew, halayen ka ’iniyabolalas ki ’iniyangangilaeh ka bo’bo’. ’am paskayzaeh ’okay pakita’ ka mae’iyaeh o So: ’am rima’ ray rape: ka ’ae:aew ma’ ’awmomza’ a tomal pon’a:iSin noka mae’iyaeh. pa’iriri:i’in terngeran kita’en kayzaeh a toml.

paSta’ay to:o’ kin hae:wan hin roSa’ a to:o’ kaSepe:an manra:an ’ay rape:. hayawan, minrakeS, botbotol 3 Sinrahoe’ kakilwa’is ’am papara:an ka sinaton. titiyon komita’ ka ’inkaeholan ma’ Siyae’ a tomal. ’a’oma: pae’pae’ ’ini sinaton. hini ’in saboeh a howaw koSa’en somataon.

paSta’ay祭典，兩年舉行一次，十年一次大祭。paSta’ay祭場有兩個，南庄和獅潭的族人在向天湖祭場，五峰則在朱家莊祭場paSta’ay。向天湖祭場是豆家和絲家輪流背大旗，芎家扶持」。朱家莊祭場夏家負責揹大旗，章家和胡家扶持。以前五峰朱家因為瘟疫只剩下一個老人，夏家許配一位少女給朱家，朱家為感謝娘家致贈兩塊布匹給夏家。大旗以桂竹前面接上箭竹，再綁白色和紅色布匹，製作時不能讓其他人瞧見。paSta’ay三個夜晚每2-3小時繞行祭場一次約3-4圈，這是全族人的大事。