朗聲四起

I nacila hananay a romi'ad o mataelifay to﹐anini hananay a romi’ad i, o cuwa to kaki’edaw a romi’ad, anocila hananay a romi’ad i, o kahinatalaan a romi’ad.

Pakayni i nacila hananay﹐o mataelifay to a romi’ad, cuwa to ko sakaka’ay a haratengen, kawrilaan! nacila hananay a romiad, ano pakayni tona anini hahanay i, cuwa to ko sakaka’ay. Kaorira, o hahalatengen no mita pakayni i nacila to kacango’otan a demak, nga’ makapah a lipahak a militemoh to demak anini a romi’ad.

Pakani i ka’ayaw no papacem i, o tiedaway o to’emanay a dadaya, minanay kita a militemoh to tedi no romiad. ya Pacelem a mihafhaf to fansisay a fali, lipahaken ko faloco’ a militemoh to aniniay a romi’ad.

Anini hananay o misi’ayawan to a romi’ad no hatini, ano cakafana a limera to romi’ad anini i, anca ya kaayaw aca no mata ko manengengay, haliki to amala nacila? ano hatira kalimeraan to ko romiad, ira ko sowal no itiya’ay ho, aniniay a demak i, aninien a miraheci, tatodongay to ko nini a sowal.

Kalimeraen to no mita ko romi’ad to cira cira, nanay misaicel a militemoh to romi’amiad kita.

Pakay i anocila hananay, o cuwa ho ka rawed a romi’ad, ano ngaayto? ano katiih to? polong a demak i, itiniay to i kamay no niyah a ma’emin.

Ira ko romaay a tamdaw, adihayay ho cuwa ka laheci a demak﹐patahilaen ho i anocila, mara’od to ko anocila i, tahilaen ho to roma a romi’ad a dademak, ano mahatira i, cuwa ko mamahalek ko demak.   

Yan toi, misaicel a dademak to no ancilaay a demak, nga’makapah a militemoh to romi’ad pakayni i anocila, nga’maralid a lipahak ko orip to cira cira, caka pisaluya to romi’ad. Pakayni nacila hananay a romi’ad o haharatenen, oya mararaway a demak falice to, oya lalahecien a demak i, lahecien to, nga’lipahak ko ’orip a militemoh pakayni i anocila. Kaolira ano misaicel a midodo’ to makapahay a demak i, lihaday to ko ’olip to cila cila a tahada’oc.

昨天是已過去的一日，對今日影響很大，我們反省昨日，創造今日。

今日是現在，不好好把握今日，只能眼看著今日變昨日！明日是還沒有到的日子，明日的好、壞，操之在己。昨日值得去反省，昨日的錯誤應改正而不再犯，今日則要好好的把握，把該做的事做完，我們更要計劃明日，迎接充滿希望的明日。反省昨日，把握今日，計畫明日。