朗聲四起

Itiya ho, caay ka matini ko kakahad no kacomikayan no Hay-ta a pitilidan, nawhan, o lawac ho no riyar kona kacomikayan, o pifalahan no Sifu to fafalahen. Wata ko kafangcal no lawac no riyar adihay ko pidangoyan no tamdamdaw, makapah ko fakeloh matiya to ko-ing no Ho-ping-taw ko kakapah ningra. Kawrira, itini han no Sifu ko tafalahan, caay ka fangcal a nengnengen kona lawalawac no riyar.

Maraod to ko pahanhanan mitilid, midangoy kami itini tona riyar, adihay ko mitiliday no icowacowaay tayni misalama, o paka’etimay a kapahkapah tayni a pasasing, ira aca ko fakifaki tayni mitafokod, ca ina sa mitatoy to haperac micekiw i lawac no riyar. Sateroteroc sa kami i kafekang no ongcoy, roma mihokap to dihif mikilim to sorita, adihayay ko mamaala tona riyar. Mamicelem to ko cidal minokay to ca faki, nengneng han ko matafokoday nangra a foting, wata ka adihay, o cekiw na ina i, ira ko adipit, sorita, ’a’owang ato howad. Kami sa o kaemangay han saheto o salama, awaay ko maalaay niyam, kawrira, wata ko kafangcal no faloco’ niyam anini a romi’ad.

Matini ko ’orip no mako itiya ho a mitilid, adihay ko sasowalen to widawidang to maharatengay tona makapahay a lawac no riyar sa kako. Kawrira, imatini maparo to no Sifu kona lawac no riyar to sota’, mapatireng to no pitilidan to loma’ ato kacomikayan, awaay to a ma’araw koya makapahay a ’ongcoy ato lawac no riyar, nengneng han ko ’aloman no tamdaw a comikay tona kacomikayan, cima ho ko pakaharatengay toya makapahay a lawac no riyar hakiya?

以前，海邊還很漂亮，小孩子有很多戲水的地方，海邊的礫石如和平島公園的石頭一樣漂亮。

學校放假，小朋友、學生會到這裡戲水、遊玩。有些結婚的青年男女會到這裡取景照相，faki會到這裡撒網捕魚，媽媽們帶著工具採貝類，小朋友在岸邊跳來跳去，有的翻開石頭去摸石縫有無章魚，海邊有很多可採集的東西。太陽要下山，faki網到好多魚。媽媽採集到adipit、章魚、海膽和九孔等。 

我的讀書生活是這樣，有很多故事可以告訴朋友們。但現在這個地方已被政府填土，蓋起大樓和運動操場，已看不到以前的礫石美景和海邊，看到那麼多人在運動場跑步，又有幾人會想起那漂亮的海景呢？