朗聲四起

Itiya ho mitatooray to faki malingad talatokos mitalakal ko mama ako. Saka mafana’ay miteli to tilo cingra, ano pahanhan ko tamina a mifoting, pararid cingra tayra i tokos a mitalakal. Ano ci tama’ minokay cingra nanitokos, caay kanca mitahidang to malinaay a komaen to tama’ ningra, o sowal no mama ako, aka ka ’idi to tama’ no miso a pakaen to fiyafiyaw saan cingra.

Cecay a romi’ad, mitahidang ko mama i takowanan, “makahi kiso mitoor takowanan talatokos miteli to tilo haw?” saan cingra. Pakatengil kako, wata ko lipahak no faloco’ no mako. Pacerem mipalal takowanan ci mama, maherek a maranam malingad to kami talatokos, tangasa i patelian to tilo, pasifana’ ci mama takowanan to samaanen a miteli to tilo ta matalakal ko a’adopen. Nengneng han ci wama, sanengneng nengneng saan to todong naikoran a saripa’ no a’adopen a romakat, ta pasowal takowanan, onini maripa’ay no fao a masalalan, o ’edo, o fohet, o ngarap, o koyo, sa cingra a pasifana’, ma’araw ningra ko faelohay ho a masapi’ay a lawilaw, wa! o fafoy koni saan.

Misatapang to ci wama pateli to tilo ningra, saromaroma sa ko piteli ningra to tilo, ira ko mamangay a waya, o sapitalakal to ngarap hoca o fohet saan. Pateli aca to ta’akay a waya sapitalakal to fafoy saan. Pinaay ko miteli’an ningra? caay ka sa’osi no mako, o edeng karoray no wa’ay ko kafana’an no mako. Caay ka sowalen no mako mato mafana’ cingra, pasowal sa, maedeng to ko mateli’ay no mita a tilo, misakalahok kako to sakalahok no mita saan. Mahelek malahok pasifana’ cingra takowanan a pateli to sapitalakal to tolok, tanamen ako a pateli to lalima a talakal, maherek ta minokay to kami malikelon nani tokos.

小時候，爸爸常跟隨他的舅舅到山上放陷阱，所以他很會放陷阱。每當他帶獵物回來時，總會叫親友們到家吃，爸爸常說：「不要吝嗇你的獵物給鄰居吃。」有天，爸爸教我如何設陷，教我分辯老鼠、松鼠、果子狸、山狸…等足跡。看到新踩斷的姑婆芋，告訴我是山豬的足跡。午餐後，我嘗試著放了五個陷阱就下山。

三天後去巡陷阱，獵山豬的陷阱都沒有動靜，爸爸說：「山豬的鼻子靈敏，人的氣味沒有消失不可能中陷阱。」我設的陷阱也沒有山雞。