朗聲四起

sku riax ka ini ka’ingasu, musa kuwin mital i yaki Lawa’ na Pihik, ini i nabalaiqiy qumlu ku balihun niya. asikuwin pasa’uhy maup i tigi’imu. asikuwini anakux sku kintalan mu. uniyan tumubun sku ini sasaluwy ka iqoun i yaki Lawa. pasaqa’su kuwin ru, makalahan i yaki Lawa’, sbalaiqan kun niya mitaal ru, aqu isu mha. misa na aruwa ku papaima’ kuwin blaiq ku kisliq mu ru maqanguqu kuwin la. pungan mu ku kay niya asi ga uniyan paqarah i qasu, ini baqy mung sqang. lungulungun muku qinqyanux su suga’ ka maki kuwin na i papatiqan sku bih na imu niya. sku yani ga mamaty kuwin musa matisan ki hiya. humnang ku kaiy niya, maqas ga utux i pana’is, panaquu’ sku qinqyanux niya su makurakis, tumnalam tikay laga maskakaru la anananuwan ga patisalan, ini baqy su aruwa humaynas ku riax. ana’aqih ku qinqyanux su sauny, maqyanux su maqisu pgan kal lga yani uwi la. matahunak kuwin bih ni yaki manhhuwiy samy i matisal.

minhbu i Ba’nux i yaki Lawa’, yaba niya ga Pihik na Naytuk, yaya niya ga Tawyu na Yukih. Ba’nux ku kay hni ga, matubalay mha, ti bih na gaung Luliyun Paynux, qalang hani ga Kagi na Yupas ku alan nha su

Tumuk, susawni ga sibay niya sku ulaqy Yupas na Kagy ku Tumuk la.

paqusan ku waw na patasan ga maha ku nabakis mha, ini patasy ku mamaliku kinku makurakis ga ini pasuqun sku itaal na qalang nanak. maha i yaki Lawa’, mha yaba’ niya ma’uwah ku Gipun la. muwah ku Gipun laga, ma’usa su i matas, qat su baqun i patasan la. asikuwin naha tarima’iy i patasy. Ya’yut na Ciwas ku minatas kuwin, yaya ni Tasy na Nayban ku minatas kuwin. minkahu i Sinbahan. spaang na inkahulan niya ga Sincu Kinhakun.

pana’arin matas ga sihgup kun nha. sika’isu nha su papawuy kuwin, sar’un kun nha na baqty na tana, sar’un sa qaba ru kukuy. biruwan niya na bilaq han ku raqinas mu, nahwayun naha tumutin ku rawm, masaramux ga kwarun nha na bilaq. sawman nha na abuh na hayrin. qutux su riax laga taqar’un nha i matas.

tiku pintasan ga ini naha pasawagiy, ini i pasabayhu, ini nahmut manaiq su naniqun, ini kital su qusiya ru qariwan. blaiq laku pangih na raqinas laga, maras su wawaw sipaqas sku minatas, maras su hahilag, pila’, raramat, quwaw. blaiq subalay i yaki Lawa’ na Pihik, lungulungum mu hiya.

我以前經常拜訪yaki Lawa’，來段泰雅古調，談談年輕的生活，泰雅的Gaga，編織的苦樂，無所不聊。yaki Lawa’出生於B’anux，B’anu是平坦的地方，位於大安溪最上游的部落。yaki Lawa’的文面師是Ya’yut Ciwas，是S’mahan人。用細枝畫圖樣，然後用捆針以小木棒輕敲刺在臉上。流血就用薄竹片刮除，並抹上鍋底的松墨，約一天完成。紋完後在屋內靜養，約一個月痊癒。痊癒後，就帶禮物如hahilaw、pila’（qahinu）、raramat、quwaw去送謝禮。

文面老人Lawa’ Pihik是位慈祥可愛的老人，很令人懷念。