朗聲四起

sku minisa na riax ga, musa kuwin mital i yaki mu Iwan na Kaynu’. uniyan matahuk sku ik na rahuwan ka tabakuy, uniyan maskakaru naha ki mama’ mu Yukih na Yupas. si’alah mu ku pinanga mu ru, matahuk kuwin i bih ni yaki mu, biqan kun niya’ su hing. maha u iny su aras su quwaw qu? masiyaq sami qahabag. su pilag qutux kabhul su kaal i yaki mu ga, mahahinuwaw kuwin tikay uwy, kalum mu yaki maha, “maqyanux su su qutux kabhul kal lga, tingaya la qu?” baqun niya ku aruwa pa’usalan nku kay mu. syukun kunwin niya’ mha, ma’usa kuwin matilux. isu ga ini baqy yu, gi tumqaquwaw su isu. lungulungun mu ku hany ga, masiyaq kuwin nanak. balaiq ku inlalungan ni yaki mu.

yaki mu Iwan na Kaynu’ ga minhbu i Nguhu Ruma’, kiya sku salun maha siyaw na Luliyun Paynux. Luliyun Paynux ga mikahul i Papak Waqa’, humaynas i Gawng Baling, ru matukytuky la i Nguhu Ruma’, tabalayan niya laku kinbalaqan naku qalang i Nguhu Ruma’.

minhbu sku imu na tumuk i yaki mu Iwan, yaba niya ga Kaynu’ na Yupas, yaya’ niya ga Puuh na Yupas. yaki mu Iwan na Kaynu’ ga spang na qamisuwan, suway na malaku ga Kagy na Kaynu’, suway na kanaril ga Laway na Kaynu’, suway na maliku lawwy ga Siyat na Kaynu’. maghbaw ku qutux su imu ni Kaynu’ na Yupas, su ri’ax sawny laga Tuyawu na Kagy laku umubu sku Tumuk la. Tuyawu i’hiya’ ga, mabaga subalay, rurumag su suquliq, siturahu na suquliq uwi. qutux imu ni Kaynu’ na Yupas ga, payux ku babaq na suquliq, asigi Yabu na Siyat ga mintga tawky na Kuristu, baq subalay kuman na igu. ina’ niya’ na Yayut na Tahus ga mintga Kucyusinsy. tiku ruma na uulaqy ga magan su blaiq na wawwaw uwy.

paqusan mu yaki mu Iwan mha, pintasan su’ su kanuwan? paturingan niya’ ku ulaqy tikay mha’, mararaya’ ni hiya’. sipinqaba’ mu su magalpu su masiyaw su tilulin su kal, tumatuk su tunux mha’ yani subalay. pqusan mu yaki mha, suwa ka asiki patasan? maha yaki mha: ini i patasi ku ulaqy na kanayril ga sibay su sayhu. pintasan ku ulaqi na kanayril ga balaiq subalay i talan.

幾天前，我拜訪外婆Iwan Kaynu’，她正好與大舅Yukeh Yupas閒聊。記得去年，yaki Iwan剛滿一百歲時，我說：「能活一百歲，該滿意了吧！」她回說：「我還會活很久。」，yaki Iwan非常豁朗達觀。

Iwan Kaynu’出生於Nguhu Ruma’， ，有Maytayax一說，位於Luliyun Paynux旁。Luliyun Paynux發源於Papak Waqa’，經帶北坑溪及南坑溪，灣轉迤邐於Nguhu Ruma’，造就物產豐饒的Nguhu Ruma’部落。Iwan Kaynu出生於頭目望族世家，世家興旺，目前由Tuyaw Kaynu’接掌頭目，為人謙恭有禮，樂於助人，受人尊敬。Kaynu’ Yupas家族輩出人才。