朗聲四起

Tuba ca tataqu tu na minhamu kaan mis tusauc tu paluntan, muamin ca tuqulaqu manahip pakpaki i-ma pislaingki.

Maca munhan sipulan ca tingmut, mungausang azaam maipa paiuntanan malilia, asa suhan maca’n tuqaizungzung ca sinlilia cin mupusan kama’naut tuqaizungzung, na maqtuin kitnga pisqancia pis sintusauc. Nitu qantan ca pisqanciapun, tupa ca tataqu tu asa mungausang makuciaun tian pintasal is qalinga, pintamasazun ca sinsunpan, na maqtuin manaua’z ca sintusauc. Maca pisqancia a, nitu luhaz tingmut ca pisqanzapan, maca minauni paitu tustusvali a cin pulunin han sipulan, asa tu daqaqanin pisqancia, mantan maqasmav sala ca tataqu madas lamin pisqanciap.

Hani maca’n qan tasa tu diqanin, dasunaam Ding kuciu singsi cin Apin tataqu, taza i madaing laihlih muntan paluntan ni tusauc, painukan ca uvaa’nanaz i maduqlaz tu huluc, painukan ca uvaa’naua’z i masanglav tu huluc, muamin ca masisipul muhan mai matamasa pintasal i masangnisiv tu qalinga, muskun naam tusauc ti icia madadangaz tu sintusauc cin kipaqpaq ima tu sintusauc, kanaqtungin azaam tusauz ha, madia ca bunun kipaqpaq ima lamin. tungain paluntan, tupa ca tataqu tu lami ca lavai, muami ca masisipul santautauhul pislaingki.

Matan makanvaivi katangasaan ca tusauc tu paluntan, asa muamin mintasa’ ca isang i masisipul ca tusauc. Ua maktu tunganu ca sinkukuza di, nanu cia tataqu ca kilim i madadaingaz taqu lamin nanutu qalinga Bunun, taquan naam i takiqabassang tu sintusasauc, mitun amin muliva qalat i mama. Tupa ca tataqu tu, kaupas Bunun ca maqanciap tusauc is maupati tu islin, asa nitu inpungulan. Maca sinlavai haip tu sintusauc tu paluntan, na maqtu isluc’an nis misbu haip tu sipulan.

我們將參加合唱比賽。每天早上在操場練習，先做體能訓練才到教室練習用肚子練習吸氣、吐氣。早上、午休下午4點放學後，都是練習時間。

十一月比賽，男生穿著白色傳統服飾，女生穿著藍色傳統服飾。我們在舞台唱出了布農古調、拍手歌，得到熱烈的掌聲，我們得到冠軍。合唱比賽是特別的經驗，是種需要培養「團隊默契」的音樂。古調的練習，老師還找來部落耆老，教語言的發音。這次得到第一名，將是最棒的畢業禮物。