朗聲四起

Maca haip tu iniqumican nita, mantan madia ca vaivivaivi tu mama’az maktu kaunun, madia ami ca maktu kilimu anian mabaliv. Maca han inuluan, tasun naam tamatina mabalivi na isqul, matan manahip azam uva’az muskun malavi mabali iskaun tu mama’az, maupai na maqtu anakanak kilimi asaun maun tu mama’az.

Muqaun ca tuqasnaua’z malilia kilim mi asaun cia, maca asaun tuqasnaua’z maun na, cia izuk, kalitung, lapat, tumatu’ cin tukisu’, tupa ca tuqasnaua’z tu: muami ca kaviaz naak maun kukutdaqun, maupai asa pimmadai-un ca kutdaqun maun, na min manau’az ca daqias, min kackac ca hubung. Maca tuqasnanaz cia kaan ca asau cia maun, qalmanqun cia siza’ ca ciqaupa ka madaing ciin macial kaunun tu kaan, maqmuzin zi kalala’, maupa tinupa ca tataqu tu, maca mau’u kaan ca masisipul, na mktu min taklac. Maca tama naam, kikilim i makamun tu mama’ac, cia makamun ca asaun tama naam maun, antupat maus qasin, maus taumi, asa haza ca daqpuut iskaun, na maqtu abuqanan maun.

Madiain ca ankukuzun han ima, sadaun tinan ca tatnulan, si-adas ca tinan mau’n paitu qania’n, tupaca nauba’nanaz tu: tamatina maktu mauni Maitanlau, cia Maitanlau ca mahancun qaunu. Muqausan ca tamatina masipul li cui macaivi tauki, aminu ni puhan laihlih ca sinpaliv, kilimi anian maun, manahip sala ca nauba’nanaz namaun Maitanlau, madia ca mama’az sinqaunun naam.Tupaca tama tu, vaivivaivi ca mamaac haip, nitu masang lami tu uvaa’z an qabas, uka i kancia, ukai cui, luhaz tai, tipul, hutan ca  maktu qaunu, anakat asa tu makadim i kakaunun, ni tu pinmamaa’z i mamaa’z.

現今，有非常多的美食可以吃。一到假日，爸媽會帶著我們一起去買食材。姐姐先找最愛吃的水果，因為吃水果除了養顏美容，還能使身體更健康。哥哥最愛吃魚，因老師說，吃魚的孩子會變聰明。爸爸最愛吃辣，特別去找辣椒區，吃飯、吃麵，一定要有辣椒。

已經是中午的時間，媽媽提議去吃個午餐。爸爸說：「現在的食物非常好吃，不像我們小時候，沒有糖果也沒有錢，只有芋頭、玉米和地瓜可以吃，要珍惜食物，不要浪費食物。」