hayza’ ’aehae’ haehila:, yako ’ima maSangay ray taew’an, ma’az’azem Sa’ kaysa’an ’okik ila’no’ takita’ hi koko’ mampowa’ ’isahini? kita’en koko’ mam pahila: latar. yako rima’ hon’alih kala koko’ maSa:eng kabih ray kabat. yako ma’ pahila: ’oyeh ri’sa:, yami ’okay paehrahrang naehan. ’isa: yako somingozaw hi koko’ komSa’, kakhayza’an So’o hinra:iy homiba: ay ka ’ima bolalasan ka kayba:en? koko’ Sa’ “ ’am minay’ino’ hayza’ ka ’inak ’isa:an kayba:en ka hiba:en. ” yako hinra:iy ’ima homiba: ka ’ima rengreng kahiba:en, ma’ hayza’ Simari’ ni ’oya’ ma’an ka ’ima SaSo ka kayba:en la! yako hihimi’an ’ima bazbazae’ ni koko’ Sipanpanabih, koko’ mayaka:i’ ila naehan, kakhayza’an yako mari’in ni baki’ niSo’, ’inay kan ’oya’ manra:an mowa:i’ rini koza’ kin rawaS mina! ni ’oya’ ma’an bina:iw ka hahway ’ima SaSo’, ma’an ta’aesen somapih ka ’ima tatini’ hahway. ’aewhay ka ra:an tikot pakhar:i’ ka hahway, ’am potngor ila nanaw ’isa: sapihin ila ka ’ima SaSo’ hahway.

koko’ min’itol o somapih ka Sina:eng, maSa:eng ila ’am pahila: ka hikor, yako pakoSa’ koko’ kayni’ ’ila mayaka:i’ honha:i’ ’aliman ’oka’ ka ka:i’, nakhara: ni koko’ka hin’az’azem lobih ila ray kakhayza’an. honha:i’ maybalbalay mayaka:i’ komSa’, “ yako hinra:iy rini ’a’no manra:an, ’ima haba:an ma’ saboeh, ’ima pama’ ka tinawbon, ’ayam, poway ’oyeh, ’ana ka tanSe’ ma’ hinangal ’araSen rini, ’isahini ma’az’azem ila ma’ ’ampowa’ kin ngoray kakhayza’an, haSa’ mari’ rini kayzaeh ila.

koko’ rikrika:en min’itol kaS’abo’ ila ray taew’an ’izo’, yako ila nonak risa: ’ima pahila:, ’ima ma’az’azem kaysa’an ni koko’ ka pinayaka:i’, kakhayza’an sa’iwaz hopay a tomalan, ’a’no manra:an minremreme’ mowa:i’ potngor rini ’okik ’am hae:wan ila. haysani ila yami ka minahael koza’ kin kayzaeh, ’ana ’am ’ila’ino’ ma’ hayza’ ka kapapama’an. koko’ tatini’ ila, ’akoy ka panpanabih nisya, So: yako maSangay ’am bazbazae’ naehan ni koko Sipanpanabih nisiya ka kin’i’iyaehan kakhayza’an. ma’an ma’ kaka:aten saboeh, mayhael yako tatini’ ’am yako ’ila nom manmanabih.

有天放假在家，我看到奶奶在外頭曬太陽，就去奶奶旁邊一塊曬太陽。我問奶奶：「您結婚有穿白紗嗎？」她說：「我是穿媽媽買的新衣服。」她又說：「以前從我家走路到這裡，路不好走，我怕弄髒媽媽買給我的新鞋，只穿一會就換舊鞋，快到時才換回新鞋。」

奶奶起身換方向曬太陽，繼續說：「我嫁過來時是走路，親友們也一起走，有的背米糕、豬肉、棉被，連衣櫃都是扛過來的。」

她想起當時聽見身後人傳來大笑，那位扛棉被的親友滾到下面，還好有棉被保護沒有大礙，我聽到也笑了出來。